Сокулук районундагы Төмөнкү Орок айылында болгон окуядан кийин чогулган эл 6-июнда ынтымак менен тарады. Тургундар окуяны талкуулаган жыйын куруп, мындан ары ар кандай пикир келишпестиктерди ырбатпай, сабырдуулук менен чечүү жана биримдикти бекемдөө чечимине келишти. Жыйынга Кыргызстан элинин ассамблеясынын төрагасы, облустук бийликтин өкүлдөрү жана жергиликтүү коомдор менен аксакалдар катышты.
6-июнда Литванын парламенти 1944-жылдагы крым татарларын депортациялоону геноцид деп тааныды. 79 депутаттын 77си макул деп добуш берди, «каршы» болгондор чыккан жок. 1944-жылы 18-майда башкы командачы Иосиф Сталиндин буйругу менен крым татарлары Крымдан күчтөп чыгарылган. Мунун алдында жарым аралдан немистерди жана италиялыктарды, андан соң крым татарларын – армяндарды, болгарларды жана гректерди депортациялашкан. Советтер Союзунда «депортациялоого крым татарлары Экинчи дүйнөлүк согуш маалында... Читать дальше...
Эгерде АКШ Стратегиялык чабуул коюучу куралдарды кыскартуу жана чектөө тууралуу келишимди узартууга кызыкдар болбосо, анда Орусия да бул келишимден баш тартышы мүмкүн. Бул тууралуу Орусиянын президенти Владимир Путин Санкт-Петербургдагы экономикалык форумда билдирди. «Эгерде эч ким бул келишимди узарткысы келбесе, анда биз да муну жасабайбыз. "Биз даярбыз" деп жүз жолу айттык, бирок эч ким биз менен сүйлөшүүлөрдү жүргүзгөн жок. 2021-жылы бул келишимдин мөөнөтү бүтөт», деди Путин. Стратегиялык... Читать дальше...
Тышкы иштер министрлиги Түркиянын Кыргызстандагы элчиси Женгиз Камил Фыраттын акыркы аракеттерине байланыштуу Түркияга нота тапшырды.
Финансы полициясы Нарын шаарынын тургунун 24-майда «каржы пирамидасын уюштурган» деп кыргыз-казак чек арасынан кармап келди. Бул иш боюнча кылмыш иши козголду. Шектүү эки айга камакка алынды.
Нормандияда Батыш Европаны нацисттерден бошотууга салым кошкон операциянын 75 жылдыгы белгиленип жатат. 105 миңден ашуун кыргызстандык Орусиянын миграциялык мунапысына илинди. Чернобыль Атомдук станциясында мындан 33 жыл мурда болгон апаат тууралуу баяндаган сериал чыкканы, ал жайга зыяратка барууну каалаган туристтердин саны кескин өстү.
Улуттук экономикаcынын бирден бир бөлүгүн четтеги мигранттар жөнөткөн акчанын эсебинен толтурган Кыргызстандын мамлекеттик жогорку бийлигинде аялдар дээрлик жок. Анткен менен кыз-келиндер инновациялык технологияларды, илимди-билимди өздөштүрүп, өз мекенин алга сүрөп, өнүктүрүүгө салым кошуп келет. “Биз жана дүйнө” берүүсүнүн каармандары - жалпыга өрнөк болгон кыргызстандык кыздар.
Өкмөттүн Чүй облусундагы ыйгарым укуктуу өкүлү Туйгуналы Абдраимовдун журналистке кылган мамилеси социалдык тармактарда кызуу талкууга жем таштады.
Кыргызстандын Тышкы иштер министрлиги (ТИМ) Түркиянын Бишкектеги элчиси Женгиз Камил Фыратты Кыргыз Республикасынын улуттук мыйзамдарын сыйлоого чакырып, анын үстүнөн Түркияга нота берди. Бул тууралуу ТИМдин басма сөз кызматы билдирди. Женгиз Камил Фырат өзү 6-июнда Тышкы иштер министрлигине чакырылды. Нотада 5-июнда Сокулук районунун Орок айылында Кыргызстандын жарандарынын ортосундагы тиричилик жаңжалды жөнгө салуу боюнча укук коргоо жана жергиликтүү органдарынын эл менен жүргүзүп жаткан иштеринин... Читать дальше...
Түркиянын Ван аймагында жашап жаткан кыргыздар түптөгөн «Ата-Журт» этно-комплекси, кыргыз тилинен өксүгөн окуучу балдар, айылды коргогон аскерлер жана күрд-кыргыз достук фестивалы тууралуу жакында Ван аймагында болгон ырчы Гүлзада Рыскулова айтып берди.
Япониянын премьер-министри Синдзо Абэ 12-июнда расмий сапары менен Иранга барат.
Кыргызгидрометтин кабарлаганы боюнча, Кыргызстанда 7-июнда, түнкүсүн көпчүлүк аймактарда жамгыр жаап, күн күркүрөйт. Бийик тоолуу райондорго кар түшөт, Чүй, Талас, Ош, Жалал-Абад, Баткен облустарынынын айрым райондорунда жана Ысык-Көлдүн чыгышында жаан катуу жаашы ыктымал. Тоолуу аймактарда жана тоо этектеринде мөндүр жаашы мүмкүн. Күндүз тоо этектеринде жамгыр, мөндүр жаайт, тоолуу райондордо кар түшөт. Өрөөндөрдө жаан-чачын жок. Батыштан соккон шамалдын ылдамдыгы секундасына 4-9, кээ бир райондордо 15-20 метрге жетет. Читать дальше...
Санкт-Петербург шаарында бүгүн эл аралык экономикалык форум ишин баштады.
Жалал-Абад шаарынын Токтогул эс алуу багындагы аттракциондо ойноп жатып жерге кулап түшкөн 14 жаштагы кыздын абалы жакшырып калды. Бул тууралуу маалымат өспүрүм дарыланып жаткан Жалал-Абад облустук облустук клиникалык ооруканасынан алынды. Маалыматка караганда, Сузак районунан апасы менен паркка келген окуучу кыз 7 метр бийиктиктен кулап түшкөн. Жабыркаган кыз аталган оорукананын жандандыруу бөлүмүнө жеткирилген. Анын мээси чайкалып, оң билегинин сөөгү жабыркаган жана денеси сыйрылган. Дарыгерлер мээсине операция жасап... Читать дальше...
Ош, 6-июнь, 2019-жыл. /ca-irnews.com/. Оштун Алай районундагы Корул айылында сабалган дудук жигиттер милицияга жазган арыздарын кайтарып алышты.
Орусия Судандагы саясий кризисти жөнгө салыш үчүн диалог жана мунаса керек деп эсептейт. 6-июнда Тышкы иштер министрлигинин өкүлү Михаил Богданов Судан «экстремисттер» менен күрөшүшү керек экенин айтты. - Албетте, тартип орнотуш үчүн силер кырдаалды турукташтырууну каалабаган экстремисттер жана чагымчыл күчтөр менен күрөшүшүңөр керек, - деди ал. Богданов кайсы күчтөрдү экстремисттер жана чагымчылдар деп мүнөздөп жатканын тактаган жок. «Биз кырдаал мунасанын негизинде улуттук диалогдун алкагында жөнгө салынышы керек деп эсептейбиз. Читать дальше...
Сараевонун четинде табылган көрүстөндө 1992-95-жылдары жарандык согуш убагында өлтүрүлгөн босниялык мусулмандардын сөөгү болушу мүмкүн. Бул тууралуу Босниянын прокуратурасынын сайтында чыккан билдирүүдө айтылат. «Талаадагы шек жараткан жерди текшерип жаткан маалда бир метр тереңдиктеги жерден адамдын сөөктөрү чыкты», - деп айтылат билдирүүдө. Прокуратура өкүлдөрүнүн божомолу боюнча, бул ушул райондо жашап, 1992-жылы дайынсыз жоголгон босниялыктардын сөөктөрү болушу ыктымал. 1992-жылдагы жарандык согушта 100 миңге жакын адам кырылган... Читать дальше...
Түркиянын Мармарис шаарындагы мейманканалардын бирине жумушка келген кыргызстандыктар ишсиз калышты.
Сокулуктун Төмөнкү Орок айылында эки тараптан тең мыйзам бузгандар жооп бериши керек. Ушундай шарт менен эл тарай баштаганын айылга барып, тургундар менен жолугушкандан кийин 6-июнда Кыргызстан элинин ассамблеясынын төрагасы Абдыганы Эркебаев билдирди: - Түрк туугандар да, кыргыздар да келишти. 15 чакты үйгө таш ыргытылган экен, ошол чыгымды ким келтирсе, ордун толтуруп бермей болду. «Ал эми бейбаштык кылган балдар мыйзам боюнча жооп бериши керек» дешти. Аны жашырып койгон болбойт. Жолугушууга... Читать дальше...
Рим папасы Франциск Орусиянын президенти Владимир Путинди 4-июлда Ватиканда кабыл алат. Бул тууралуу Рим папасынын басма сөз катчысы Алессандро Жизоттиге шилтеме кылып AFP агенттиги кабарлады. Мунун алдында Кремль Путин Италияга мамлекеттик сапар менен барарын айтканы менен, сапардын күнү белгилүү эмес болчу. Соңку төрт жылдын ичинде бул Путиндин Рим папасы менен экинчи жолугушуусу болот. 2015-жылдын 10-июнундагы алгачкы жолугушууга Путин салтка айланып калгандай эле бир саатка кечигип келген. Читать дальше...
Ольденбург шаарынын соту мурдагы санитар Нилс Хёгелди өмүр бою эркинен ажыратты. Хёгел 2000-2005-жылдары эки ооруканада 85 адамды өлтүрүүгө күнөөлүү деп табылды. Хёгел сотто бейтаптардын жакындарынан жана досторунан кечирим сурады. 42 жаштагы санитар Ольденбург жана Демменхорст шаарларындагы ооруканаларда иштеген. Ал оорулуу адамдарды өлтүрүп жатканы тууралуу шектенүү 2005-жылы жайында пайда болгон: клиниканын кызматкерлеринин бири Хёгел оорулууга өтө көп дары берип жатканын байкап калган. ... Читать дальше...
Сокулук районунун Төмөнкү Орок айылында чогулган эл тарай баштады. «Азаттыктын» кабарчысы жеринен маалымдагандай, кармалган баланын атасы чогулгандардан кечирим сурап, кол алышты. Кечээ, 5-июнда Төмөнкү Орокто Айт намаздан кийин чыгып баратып үч өспүрүм мушташа кеткен, жабыркаган экөө ооруканада жатат, бири нейрохирургия бөлүмүндө. Бул боюнча 31 адам кармалып, кайра кое берилди, дагы бирөө милициянын убактылуу кармоочу жайында отурат. Ушул эле күнү Сокулуктун Жаңы-Жер айылында да өспүрүмдөр ортосунда уруш чыккан. Читать дальше...
Кыргызстанда бир нече жылдан бери эмгектенип келген эки балалуу Симоне Бонески балдары төрөлгөндө декретке (өргүүгө) чыккан тажрыйбасы менен бөлүшүп, анын артыкчылыктарын тизмектеп берди.
Орусиянын Эсеп палатасынын башчысы Алексей Кудрин америкалык ишкер Майкл Калвинин камакка алынышына байланышкан кырдаалды «экономика үчүн шок» деп баалады. Бул тууралуу Орусиянын мурдагы финансы министри Кудрин Санкт-Петербургдагы эл аралык экономикалык форумда айтты. Кудрин Орусиядан капиталдын агылып кетиши эки эсе көбөйгөнүн жана жыл башынан бери 40 млрд. долларга жеткенин белгиледи. Кудрин айткан маалыматты буга чейин Орусиянын Борбордук банкы да тастыктаган. Борбордук банктын маалыматы боюнча... Читать дальше...
Түп районундагы Михайловка айылында муздаткычтын ичинде каза болуп калган 6 жана 4 жаштагы эки баланын өлүмү боюнча факт Кылмыштар менен жоруктардын бирдиктүү реестрине катталып, тергөө иштери уланууда. Бул тууралуу «Азаттыкка» Ысык-Көл облустук ички иштер башкармалыгынын басма сөз катчысы Сталбек Усубакунов билдирди. Анын айтымында, окуя 3-июнь күнү болгон. Баштапкы маалыматтарга ылайык, эки наристе ойноп жүрүп эски муздаткычтын ичине түшүп алган. Жабдуу ичинен ачылбагандыктан балдар камалып, думугуп калышкан. Читать дальше...
