Новости за 16.05.2021

16-майда Кумтөр кенин иштеткен канадалык “Центерра Голд” компаниясы (Centerra Gold Inc) кыргыз өкмөтүнө каршы Эл аралык арбитражда териштирүү баштаганын жарыялады. Бул тууралуу билдирүү чет элдик компаниянын сайтына жарыяланды. "Центерра Голд" кыргыз өкмөтүнөн Кумтөр кенине байланыштуу жакында кабыл алынган мыйзамды же "Кумтөр Голд Компани" ишканасына экологиялык чыгым менен салыктан улам салынган айыппулду токтотууну талап кылат. Компания кыргыз өкмөтүнүн акыркы аракеттерин Кумтөр кениндеги инвестициялык келишимдерди бузуу деп эсептейт. Читать дальше...

Израилдин соккусунан 16-майда Газа тилкесинде "Хамас" уюмунун лидери жашаган турак-жай талкаланды, 26 палестиналык каза тапты.

Британ өкмөт башчысы Борис Жонсон коронавирустун Индияда аныкталган түрү Британияга жеткенин, бул – кадыресе турмушка кайтуу аракеттерин үзгүлтүккө учуратышы мүмкүн экенин эскертти. Премьер карантинден чыгуунун кезектеги баскычы пландалгандай 17-майда башталарын билдирип, вирустун жаңы штаммы бардык чектөөлөрдү 21-июнда алуу аракеттери кечеңдетиши мүмкүн деп кошумчалады. Өлкөнүн түндүгүндө бир жумада бул штамм тез жайылып кеткендиктен, элге тест таратуу өңдүү чукул чаралар көрүлүүдө. Окумуштуулар... Читать дальше...

Жогорку Кеңештин сайтында парламент 17-майда кезексиз жыйынга чогулары тууралуу маалымат жарыяланды,  бирок, күн тартиби ачык айтылган жок. “Азаттык”  радиосу байланышкан айрым депутаттар күн тартибиндеги Кумтөр кенинен байланышуу талкуу ачык өтөрүн,  аталган кенге байланыштуу түзүлгөн комиссия маалымат берерин билдиришти.  Ал эми чек ара маселеси жабык каралат.  12-майда бул комиссиянын отурумунда анын төрагасы, депутат Акылбек Жапаров ишкана Кыргызстандын мыйзамдарынын негизинде иштөөсү керек экенин белгилеп... Читать дальше...

Европа реконструкция жана өнүктүрүү банкы (ЕРӨБ) Кыргызстан парламенти 17-майда «Kумтөр Голд Компани» ишканасынмамлекетке өткөрүү жараянын баштоо жөнүндө чечим кабыл алышы мүмкүн экенин белгилеп, тынчсыздануусун билдирген.  Банктын кайрылуусунда “бул сыяктуу чечимдер Кыргызстандын эл аралык өнөктөштөрүнүн жана чет элдик инвесторлордун алдындагы милдеттенмелерин аткаруусуна шек жаратат” деп айтылат. Банк муну өлкө экономикасын калыбына келтирүүдө жана инвесторлордун иштеши үчүн кооптонууну пайда кыла турган тобокелчилик экенин белгилейт. Читать дальше...

Кыргызстандын эгемендигинин 30 жылдыгын белгилөөгө байланыштуу түзүлгөн уюштуруу комитети кеңешмеге чогулуп, мааракелик иш-чаранын планын талкуулады. Бул тууралуу министрлер кабинетинин басма сөз кызматы кабарлады. Ага ылайык,  маареке тууралуу планда Бишкек шаарында жана аймактарда элдик курултай баштаган жүздөн ашык иш-чараны өткөрүү каралган.  “Талкуунун жүрүшүндө бир катар сунуштар жана сын-пикирлер айтылды. Президентинин кайрылуусуна ылайык, планга кыргыз элинин Бүткүл дүйнөлүк Курултайын өткөрүүнү киргизүү сунушталды”... Читать дальше...

57 өлкөнүн башын бириктирген Ислам кызматташтык уюму жекшембиде чукул жыйында Газадагы кырдаалды талкуулады. Онлайн жыйындын катышуучулары Израилди тилкени аткылоосун токтотууга чакырышты. Сауд Арабиясынын тышкы иштер министри ханзаада Файзал бин Фархан эл аралык коомчулукту Израилди аскердик операцияны токтоттуруу, гуманитардык жардамдын тилкеге жетүүсүнө шарт түзүү жаатында аракет көрүүгө үндөдү. Палестинанын башкы дипломаты Риад Малки Израилди “Газа элине каршы кылмыштарга жана ырайымсыздыкка барып жатат” деп айыптады. Читать дальше...

Баткен районунун Суу-Башы айыл өкмөтүнө караштуу Кара-Токой айылында жаңы Фельдшер-акушердик пункттун (ФАП) курулушу башталды. Бул тууралуу өкмөттүн облустагы ыйгарым укуктуу өкүлчүлүгүнөн кабарлашты. Маалыматка ылайык, бул бейтапканада стоматология, гинекология, жугуштуу жана жүрөк ооруларын кароо бөлүмдөрү болот. Заманбап медициналык жабдуулар менен камсыздоо каралган. ФАПтын курулушунун баасы 2,8 млн. сом деп эсептелип, каражатты “Ассанабил” кайрымдуулук фонду бөлүп берген. Кара-Токой айылы... Читать дальше...

Министрлер кабинети Кыргызстанда коронавируска каршы чектөөлөрдү кырдаалга жараша күчөтүүнү көздөп жатат. Кыргызстанда коронавируска кабылгандардын расмий саны жүз миңден, көз жумгандар 1700дөн ашты. Адистер коомчулук арасында тийиштүү эрежелерди аткаргандар аздыгына кабатыр. Вакцина алуу жагынан да Кыргызстан башка мамлекеттерге салыштырмалуу артта. Ал арада Дүйнөлүк саламаттык сактоо уюму илдеттин үчүнчү толкуну мурдагыдан оор болушу мүмкүндүгүн эскертүүдө. Аргасыз чектөөлөр Нарындын тургуну... Читать дальше...

Бул тууралуу Украин Улуттук коопсуздук кеңешинин катчысы Алексей Данилов "Савик Шустердин сөз эркиндиги" программасындагы маегинде билдирди. Ал мындай чечимди президент кабыл аларын билдирип, бирок мындай мүмкүнчүлүк болсо, украин тарап аны пайдаланууга даяр экенин айтты. Орусия президенти Владимир Путиндин бөлөсү деп айтылып жүргөн Виктор Медведчук 13-майда Киев шаардык соту тарабынан 9-июлга чейин үй камагына алынган. Ал "Мамлекеттик чыккынчылык" беренеси боюнча шектелүүдө. Виктор Медведчук прокуратурада сурак берип жатып... Читать дальше...

16-майда түштүктөгү Гилменд аймагында Орозо айттын урматына жарыяланган үч күндүк ок атышпоодон кийин талиб согушкерлери менен ооган өкмөттүк күчтөрүнүн кармашы жанданды. Жергиликтүү бийликтин маалыматына караганда, провинциянын борборунда америкалык аскерлер чыгарыла баштаганда тутанган кармаштар уланды. Жоочулар коопсуздук пункттарына чабуул койгону кабарланды. Ооган армиясынын басма сөз катчысы бул маалыматты тастыктады. Үч күндүк тыныгуу учурунда да бир нече кол салуу катталып, 14-майда Кабулдагы мечитте бомба жардырылган. Читать дальше...

16-майда Түркиянын Палаталар жана товардык биржалар союзунун (ТОВВ) жетекчиси Рыфат Хисаржыклыоглу жетектеген делегация Кыргызстандын Министрлер кабинетинин төрагасы Улукбек Марипов менен жолукту. Анда Улукбек Марипов кыргыз тарап кыргыз-түрк мамилелерин өнүктүрүүгө өзгөчө маани берерин билдирди. «Бүгүнкү күндө республика жетекчилигинин артыкчылыктуу милдеттеринин бири катары инвесторлор үчүн шарттарды жакшыртуу болуп саналат. Тилекке каршы, эки өлкө ортосундагы товар жүгүртүү эки тараптуу соода-экономикалык... Читать дальше...

Валентина эжесин жакшы көрөрүн айтып, андан күч-кубат аларын билдирген. Белгилей кетсек, Антонина Шевченко бүгүн америкалык каршылашынан жеңилип калды.

Кыргызстандын Тышкы иштер министрлиги өз сайтында Түркияга бараткан жарандарга коронавируска каршы медициналык камсыздандыруу полисин алууну сунуш кылды. Анда: "Кыргызстандын жарандарына Түркиянын аймагында COVID-19 илдетин жуктуруп алган учурда акысыз дарыланууга кепилдик берүүчү сактык полистерин алуу сунушталат. Ошону менен бирге жарандарга Түркиядагы эпидемиялык кырдаалды - коронавирус илдетине чалдыккандар кескин көбөйүп жатканын, ага ылайык киргизилген чектөөлөрдү эске алып, азыркы учурда Түркияга баруудан кармануу сунушталат"... Читать дальше...

15-майда Европанын жана Түндүк Американын айрым шаарларында Газа тилкесиндеги атышууну токтотууга чакырган демонстрациялар болду. Газада тынчтык орнотуу талабы менен митингдер Берлин, Париж, Лондон, Мадрид жана башка чакан шаарларда, АКШнын Нью-Йорк, Вашингтон, Бостон жана Лос-Анжелес шаарларында өттү. Лондондогу митингдин катышуучулары "Газаны бомбалоо токтотулсун" деген жазуусу бар плакаттарды кармап, "Эркин Палестина" деп чакырык ташташты. Алар Гайд-Парктан Израил элчилигине чейин жүрүш жасашты. Читать дальше...

"Массалык башаламандык" беренеси менен айыпталып, камакка алынган активист, "Туран" партиясынын лидери Жеңиш Молдакматов бүгүн, 16-майда Жогорку Кеңешке кайрылуу жолдоду. Анда Молдакматов өзү кармалган учурдан тартып жалаң мыйзамсыздыктарга туш болуп келе жатканын билдирген. "Биринчиден, мен УКМКнын (Улуттук коопсуздук боюнча мамлекеттик комитети -ред.) имаратын таптакыр басып алган эмесмин. 2020-жылы 6-октябрда болжол менен таңкы 5те УКМКга келгенимде, түштүк тарабындагы дарбазасы КАМАЗ автоунаасы менен сүздүрүлгөн экен, дарбаза ачык болчу.

"Эже-сиңдилер" телеберүүсүнүн соңку чыгарылышында үй-бүлөөдөгү эркек балага артыкчылык берген көрүнүш тууралуу баарлаштык.

Токтогул ГЭСин куруу үчүн 1972-жылдары 25 айылдагы 18 миң адамды көчүрүүгө туура келген. Ошондо кирпич завод менен аэропорт суу алдында калган. Ал кезде мүрзөлөрдөгу 10 миңге чукул сөөктү кайра көмүшкөнү менен, алардын бир бөлүгүн таштоого аргасыз болушкан. Учурда ГЭСтеги суу азайып, айрым эски курулуштардын фундаменти тышка чыгып калды. Көл алдында калган айылдын жашоочулары учурда Көтөрмө айылында жашап жатышат. Ошол маалда өкмөт бир топ убадалар менен элди башка жакка көчүрүп, ал убадалар 60 жылдан кийин да аткарылган эмес. Читать дальше...

Бириккен Улуттар Уюму (БУУ) Израил-Палестин чатагы боюнча резолюция кабыл ала албай жатканы үчүн расмий Бээжин Вашингтонду айыптады. Кытайдын тышкы иштер министри Ван И мындай пикирин Пакистандын тышкы иштер министри Шах Махмуд Куреши менен телефон аркылуу сүйлөшкөн учурда билдирди. "Тилекке каршы БУУнун Коопсуздук кеңеши израил-палестин чатагы боюнча келишимге жетише албай жатканына АКШнын бир тараптуулугу таасир этүүдө" деди Ван И. Бул тууралуу Кытайдын "Синьхуа" агенттигине шилтеме кылып, "Интерфакс" жазды. Читать дальше...

Шевченко эки мүнөттөй Линин буту менен муунтуу ыкмасынан чыга албай кыйналган. Беттеш экинчи раундда жыйынтыкталды.

Газа тилкесиндеги эл аралык маалымат каражаттары - "Associated Press" (AP) жана "Al-Jazeera" жайгашкан имарат талкаланды. Израил аскерлери бул имаратта ХАМАСтын атайын кызматы жайгашып, ал эми басылмалар алар үчүн "тирүүлөй калканч" болгон үчүн аткыланды деп түшүндүрүүдө. Маалыматта чабуул тууралуу бир саат мурун кабарланып, журналисттердин эвакуацияланышына мүмкүнчүлүк берилгени жазылган. Басылмалар жайгашкан 12 кабаттуу имаратка эки ракета атылган. "Associated Press" бул имараттын акыркы кабатында 15 жылдан бери иштеп келе жаткан. Читать дальше...

Абсолюттук мушкерлер уюму (UFC) Хьюстон шаарында өткөн UFC 262 турнириндеги кармаштардын кызыктуу ирмемдерин топтоп YouTube каналына жарыялады.

17-майда Кыргызстанда жаан-чачын болбойт. Бийик тоолуу райондордо жолдор тайгак болот. Батыштан жел согуп турат. Абанын температурасы: Баткен, Ош, Жалал-Абад облустарында түнкүсүн 11...16, күндүз 27...32, Талас жергесинде түнкүсүн 6...11, күндүз 27...32, Чүй өрөөнүндө түнкүсүн 8...13, күндүз 25...30, Нарын облусунда түнкүсүн 1...6, күндүз 17...22, Ысык-Көл дубанында түнкүсүн 2...7, күндүз 16...21, Бийик тоолуу аймактарда түнкүсүн -5...-10, күндүз 1...6°. Бишкек шаарында жаан-чачын болбойт. Читать дальше...

Коронавирустун жайылуусунун алдын алуу максатында эпидемиологиялык абал оор деп саналган Бишкек шаарында, Чүй жана Ысык-Көл облустарында карантиндик чектөөлөрдү киргизүү маселеси каралууда. Аталган аймактардын жетекчилерине эпидемиологиялык кырдаалга жараша кафе-ресторандардын, базарлардын, мектептердин, бала бакчалардын, коомдук транспорттун ишин чектөө чечимдерин убагында кабыл алууга милдеттендирилди. Министрлер кабинетинин төрагасынын орун басары Жылдыз Бакашова 15-майда Республикалык ыкчам штабдын жыйынында ошондой эле Бишкек шаарында... Читать дальше...

Кыргызстандын Улуттук коопсуздук боюнча мамлекеттик комитетинин (УКМК) Чек ара кызматы Интернетте тараган видеотасма боюнча түшүндүрүү таратты. Анда жазылгандай, 14-май күнү кыргызстандык нөөмөтчү аскерлер кыргыз-тажик чек арасынан алыс эмес жерде тажик жаранына тиешелүү үй өрттөнүп жатканын байкашкан. Тажикстандык чек арачылар менен телефон аркылуу байланышкан учурда алар өрттү тастыктап, коопсуздук үчүн кыргызстандык нөөмөтчү аскерлерди алысыраак алып кетүүнү өтүнүшкөн. 15-май күнү Баткен районундагы... Читать дальше...