Новости за 11.01.2022

Алар ушул тушта кыргыз-казак чек арасындагы Ак-Жол өткөрмө бекетинен өтүп жатат. Кыргызстандын Алматыдагы башкы консулу Назарали Арипов эвакуациялангандар автобус менен Бишкекке жеткирилерин билдирген.   Буга чейин Арипов Алматыда кармалган төрт кыргызстандык жаран 11-январда бошотуларын маалымдаган. Алардын саламаттыгы жайында экенин, тек-жайы такталганын билдирген. Ага ылайык, казак бийлиги тополоңдорго шек санап 1990-жылкы Закир Юбуров, 1991-жылкы А.Хуров, 1987-жылкы И.Мачо жана 2001-жылкы... Читать дальше...

Женевада АКШ менен Орусиянын бийлик өкүлдөрүнүн Украинадагы кырдаал боюнча сүйлөшүүсү аяктады. Вашингтон орус аскерлеринин украин жергесине жакын жайгашышына кабатыр болуп келсе, Москва мурдагы советтик өлкөлөрдү НАТОго мүчө кылуудан баш тартууну талап кылууда. Украина менен чек арага жакын жерде Орусиянын жүз миңдей аскери топтолгону маалым. Бул чыңалуу былтыр күздөн бери уланууда. Орун басарлардын деңгээлиндеги сүйлөшүү “Европа коопсуздугу” же “коопсуздук кепилдиги” темасы талкууланат деп... Читать дальше...

Forbes журналы Казакстандагы соңку нааразылыктардын фонунда төрт казак миллиардеринин байлыгы үч миллард долларга кемигенин жазды. Акчасы азайгандардын арасында Казакстандын экс-президентинин кызы менен күйөө баласы бар. Ал арада Open Democracy уюму Назарбаевдердин Лондондогу кымбат баалуу үйлөрүн эстеди. Олку-солкулук “жоготкон” миллиарддар Forbes журналынын маалыматына ылайык, Kaspi банкынын акционери жана ал компаниянын каржылык төрагасы Вячеслав Ким акция курсунун 30% төмөндөөсү менен 1,4 миллиард доллар жоготту. Читать дальше...

Кыргызстандын Алматыдагы башкы консулу Назарали Арипов маркум Бахтияр Базарбаев аттуу жаран экенин "Азаттыкка" билдирди. Анын сөөгү тиешелүү текшерүүлөрдөн өткөрүлгөндөн кийин жакындарына берилерин маалымдады. Мунун алдында Кыргызстандын Тышкы иштер министрлиги эки тараптуу сүйлөшүүлөрдөн кийин Алматыда тополоң учурунда каза болгон кыргызстандык жаран Азиз Мусаевдин апасына Казакстанга барууга уруксат берилгенин кабарлаган. Мусаев Алматыда фитнес-машыктыруучу болуп иштеп жүргөн. Буга чейин Назарали... Читать дальше...

Бишкек шаарынын Октябрь районундагы Улан–1 кичи районундагы жайгашкан көп кабаттуу үйдүн жашоочусу лифтке кыпчылып каза болду. Өзгөчө кырдаалдар министрлигинин (ӨКМ) басма сөз кызматынын маалыматына караганда, 38 жаштагы киши коляскадагы баласы менен кирип жаткан учурда, лифт иштеп кетип кыпчып калган. Коляскадагы ымыркай жабыркаган эмес. Аталган үйдүн лифттин кайсы мекеме тейлери жөнүндө маалымат айтылган жок. Адистер шаардагы көпчүлүк эски үйлөрдөгү лифттердин эскилиги жетип, кооптуу болуп калганын айтып келишет. Читать дальше...

Тышкы иштер министрлиги (ТИМ) Казакстанда күч кызматкерлери тарабынан кармалып, сабалды делген кыргызсатандык Баялы Төрөгелдиев жөнүндө маалыматтарды төгүндөдү. ТИМ ал жаран "үйүндө жана сабалган эмес" деп билдирди. Буга чейин Акыйкатчы институту Казакстандын Чымкент шаарында Баялы Төрөгелдиев аттуу кыргызстандык кармалып, сабалганын анын жакындары маалымдаганын жарыялаган.   ТИМдин билдирүүсүндө, Казакстандагы башаламандык учурунда каза болгон кыргыз жараны Азиз Мусаевдин апасы С.Иманхожаеванын... Читать дальше...

Бишкектеги Биринчи май райондук сотунда 11-январда камактагы саясатчы Бактыбек Калмаматовдун кармалышынын мыйзамдуулугу боюнча жактоочуларынын арызы каралып, аны бошотуу өтүнүчү канааттандырылган жок. Саясатчынын жактоочулары Калмаматов кармалган учурда талапкер болгонун жүйө кылып, анын камалашын мыйзамсыз деп сотко арызданышкан. Сотко Бактыбек Калмаматов алып келинген жок. Анын бөгөт чарасын кароо 12-январда Бишкек шаардык сотунда каралат. Парламенттин мурдагы депутаты Бактыбек Калмаматовду Улуттук коопсуздук комитети "Расалык... Читать дальше...

Казакстанда нааразылык билдиргендерди аёосуз басуу аракети жүрүүдө, бийлик жаатында болсо президент Касым Жомарт-Токаев менен “Элбасынын” ортосунда көшөгө артында көмүскө күрөш жүрүп жаткандай. Башында тынч чыккан нааразылыктардын жалыны жалпы өлкөнү каптап, мамлекетти солкулдатып турган калтыс чакта жогорку бийликти бирөөнүн колуна өткөрүү күрөшү, сырт көздөн далда тартыш-тирештин белгилери байкалат. Соңку күндөрү көчөлөргө чыккан кылкылдаган көпчүлүктүн көөнүндөгү оор социалдык-экономикалык жагдайлар мындайда артка сүрүлүп калат. Читать дальше...

"Кыргызгидромет" агенттигинин маалыматына ылайык, 12-январда өлкөдө жаан-чачын болбойт. Тоо этектеринде жана тоолуу райондордо жолдор тайгак жана тоңголок болот. Түштүк-чыгыштан соккон шамалдын ылдамдыгы секундасына 5-10 метрге жетиши мүмкүн. Абанын температурасы: Чүй облусунда түнкүсүн -4…+1, күндүз +6…+11; Талас облусунда түнкүсүн 0…-5, күндүз +5…+10; Ош, Баткен Жалал-Абадда түнкүсүн 0…-5, күндүз +6…+11; Ысык-Көл облусунда түнкүсүн -3…-8, күндүз 0…+5; Нарын облусунда түнкүсүн -18…-23, күндүз -9…-14 градус болот. Читать дальше...

Бишкектеги Улуттук тарых музейинде коронавирус курмандыктарына жана каармандарына арналган "Менин өмүрүм сизден көз каранды" аттуу сүрөт көргөзмө ачылды. Иш-чараны Саламаттык сактоо министрлиги менен Маданият, маалымат, спорт жана жаштар саясаты министрлиги биргеликте уюштурган.  Көргөзмөдө коронавирус Кыргызстанда жүздөгөн өмүрлөрдү алып кеткен 2020-жылдын июлундагы ("Кара июль" аталып калган) бейтаптардын оор абалы жана дарыгерлердин түйшүгү чагылдырылган 50 сүрөт коюлган. Иш-чара 13-январга чейин уланат. Читать дальше...

Министрлер кабинетинин төрагасы Акылбек Жапаров Чүйдөгү Сокулук районунун акими Курбанбек Айтибаевге сөгүш берип, анын орун басары Самаган Мурсалиевди иштен алды. Өкмөттүн басма сөз кызматы бул чечимге байланыштуу түшүндүрмө берген жок. Буга чейин Самаган Мурсалиев баштаган райондун жетекчилери Төмөнкү Чүй айылындагы эки миллиондой сомго курулган мектеп дааратканасынын ачылышына катышкан. Анда тасма кесилип, шаан-шөкөт менен коштолгону талкуу жараткан. Даараткананы курууга каражатты демөөрчүлөр бергени... Читать дальше...

Түркиянын Ялова шаарында атайын уюштурулган операциянын негизинде жети өзбекстандык, үч кыргызстандык кыз-келиндер куткарылганы кабарланды. Алар күч менен сойкулукка мажбурланганын 10-январда жергиликтүү "Ихлас" маалымат агенттиги билдирди. Жалпысынан 14 түркиялык жаран чет өлкөлүк кыз-келиндерди сойкулукка мажбурлаганы аныкталып, камакка алынган. Алардын арасында төрт киши мамлекеттик кызматкер экени айтылат. Тинтүү жүргүзүлгөн үйлөрдөн ондогон тапанча, 15 чөнтөк телефон жана акча табылган.... Читать дальше...

Казакстандын президенти Касым-Жомарт Токаев Жамааттык коопсуздук келишим уюмунун (ЖККУ) бейпилдик орнотуу миссиясынын алкагында келген жоокерлери эки күндөн кийин кете баштарын, бул жараян жалпысынан 10 күнгө созуларын билдирди. Ал 11-январда парламенттин төмөнкү палатасы - Мажилисте сүйлөп жатып уюмдун аскерлеринин негизги миссиясы аяктаганын, өлкөдөгү абал турукташып калганын айтты. Кыргызстан 7-январда Казакстанга 150 жоокер жөнөткөн жана алар Алматы шаарындагы стратегиялык объектилердин бири... Читать дальше...

Казакстандагы тополоңго байланыштуу кыргыз-казак чек арасындагы өткөрмө бекеттер жолоочулар үчүн чектөөлөр менен иштеп жатат. Расмий органдар чек арадан жүк ташуучу транспорт каражаттары тоскоолдуксуз өтүп жатканын билдирүүдө. Казакстандагы окуялардын Кыргызстандын экономикасына таасири кандай болот? “Кабатырланууга негиз жок” Чек ара кызматы 10-январга карата Казакстан менен чектешкен бардык өткөрмө бекеттерде кыргыз жарандары үчүн чектөөлөр киргизилгенин билдирди. Мекеменин маалымат жана... Читать дальше...

Бишкектин Биринчи май райондук соту пара алууга шектелип кармалган Октябрь райондук прокурорунун орун басары Алтынбек Айдаров үй камагына чыгарылганын тастыктады. Сот отуруму 10-январда өткөн. Өткөн жылдын 17-ноябрында Улуттук коопсуздук боюнча мамлекеттик комитети (УКМК) Октябрь районунун прокурорунун орун басары Алтынбек Айдаров пара алууга шектелип кармалганын билдирген. Атайын кызмат анда тергөөнүн алдын ала маалыматтарына таянып, шектүү кылмыш жоопкерчилигинен куткаруу үчүн милиция кызматкеринен 5 миң доллар талап кылганын ырастаган эле.

Кытайдын Тяньцзинь шаарынын 14 миллион калкы жапырт коронавируска тесттен өткөрүлүүдө. Шаарда омикрон варианты жайылганы тууралуу маалыматтар түшкөндөн кийин бийлик санитардык көзөмөлдү күчөттү. Вирустун андан ары тарашын алдын алуу үчүн COVID-19га анализи таза тургундар гана Тяньцзинь портунан чыга алышат деген эреже киргизилди. Кытайдын Улуттук саламаттык сактоо комиссиясы 10-январда билдиргендей, шаарда омикрондун 21 учуру катталды. Алардын бардыгы илдетти калаа ичинен жугузуп алгандар. Бийлик өкүлдөрү бул сан мындан ары өсүшү мүмкүн дейт.

Коронавируска каршы республикалык ыкчам штабдын бүгүнкү, 11-январдагы маалыматына караганда, соңку бир суткада инфекциядан эки адам каза болду. Жалпысынан өлкөдө коронавирустан көз жумгандардын расмий саны 2821 адамга жетти. Соңку бир күн ичинде вирус менен дагы 348 адам катталды. Алардын эң көбү Бишкек шаарында (244 адам). Кечээ 10-январда вирус жугузган 198 адам катталган. Өлкөдө коронавирус жуккандардын расмий катталган саны 186 413 адамга жетти. Вакцина алгандар өлкө боюнча 1 млн. 247 миңден ашты. Читать дальше...