Новости за 24.12.2022

Бүгүн, 24-декабрда Бишкекте ТҮРКСОЙ эл аралык уюму чыгарган кыргыз акындарынын антологиясынын бет ачары болду. Китеп түрк тилинде чыккан. Ага уюмдун баш катчысы Султан Раев, Улуттук жазуучулар союзунун төрагасы Нурлан Калыбеков жана акын-жазуучулар, чыгармачыл чөйрө катышты. Китептин бет ачары А.Осмонов атындагы Кыргыз улуттук китепканасында өттү. "Кыргыз адабиятын, калемгерлерди түрк дуйнөсүнө кеңири таанытуу, алакаларды жакшыртуу максатыбыз. Бул багытта келаткан жылы түрк тилдүү өлкөлөрдө адабий... Читать дальше...

Президент Садыр Жапаров бүгүн, 24-декабрда Баткен облусуна болгон жумушчу сапарынын алкагында Ак-Сай жана Капчыгай айылдарына барып, чек ара жаңжалында талкаланган үйлөрдү калыбына келтирүү, курулуш иштери менен таанышты. Бул тууралуу мамлекет башчынын басма сөз кызматы кабарлады. Маалыматка караганда, президент учурда Ак-Сай айылында 51 турак жайда курулуш иштери жүрүп жатканы тууралуу маалымат алды. "Ак-Сайда бардык үйлөрдүн пайдубалын түптөө иштери бүткөрүлүп, 17 үйдүн дубалы, беш үйдүн чатырын жабуу аяктады. Читать дальше...

Калый Молдобасанов атындагы Кыргыз Улуттук консерваториянын чоң залында казакстандык жаш музыканттар ага-ини Сагадат жана Нурсултан Омаргазиндер концерт коюшту. Концерт студенттик симфониялык оркестрдин коштоосунда өттү.

25-декабрда Кыргызстанда жаан-чачын болбойт. Жолдор тоңголок, тайгак болот. Айрым райондорго туман түшөт. Түштүк-чыгыштан соккон шамалдын ылдамдыгы секундасына 3-8 метрге жетет. Абанын температурасы: Чүй өрөөнүндө түнкүсүн -11…-6, күндүз -1…+4 Талас өрөөнүндө түнкүсүн -12…-7, күндүз -2…+3 Баткен, Ош, Жалал-Абадда түнкүсүн -2…-7, күндүз 3…8 Ысык-Көл облусунда түнкүсүн -4…-9, күндүз 0…+5 Нарындын өрөөндөрүндө түнкүсүн -18…-23, күндүз -3…-8 градус суук болот. Бийик тоолуу райондордо түнкүсүн -25…-30... Читать дальше...

Бажы кызматынын төрагасы Самат Исабеков менен Ирандын Кыргызстандагы элчиси Саид Харази жолугушуп, эки өлкө товар жүгүртүүдөгү маалыматтар менен алмашууну макулдашты. Бул тууралуу аталган кызматтан билдиришти. Мекеменин басма сөз кызматы тараткан маалыматка караганда, тараптар соода-экономикалык кызматташтык, эки тараптуу өнөктөштүктү мындан ары өнүктүрүү маселелерин талкуулады. Кыргызстандын Иран менен түз чек арасы жок. Экономикалык жактан алганда эки өлкөнүн соодасынын көлөмү 11 миллион доллардын тегерегинде экени айтылат. Читать дальше...

Кыргызстанда мамлекеттик «Керемет Банктын» бир нече жетекчиси жана Улуттук коопсуздук боюнча мамлекеттик комитеттин кызматкерлери кармалды. Башкы прокуратурадан билдиргендей, алар “Алдамчылык”, “Кылмыштуу кирешени мыйзамдаштыруу”, “Документ жасалмалоо” өңдүү кылмыштарга шектелүүдө.

Кемпир-Абад иши боюнча кармалган активист Чыңгыз Капаров ден соолугуна байланыштуу ачкачылыкты токтотконун Акыйкатчы институту №1 Тергөө абагынын медициналык бөлүмүнүн маалыматына таянып кабарлады. Капаров ачкачылыкты токтотконун жазуу түрүндө маалымдаганын абактын нөөмөт бөлүмү оозеки билдирген. Акыйкатчынын аппаратынын кызматкерлери 24-декабрда Жаза аткаруу кызматынын 21-мекемесине же Бишкектеги №1 тергөө абагына кирип, активист Айбек Бузурманкуловго жолуккан. Маалыматта ал жаткан камерада төрт киши бар экени айтылат. Читать дальше...

Жалал-Абад шаарын да соңку жылдары ыш каптай баштады. Айрым бейөкмөт уюмдар чакан текшерүүчү шаймандарды орнотуп, аба булганганын аныктап жатышат. Дарыгерлер мындай абал адамдарда өнөкөт ооруларды козгоп, ден соолугуна коркунуч жаратарын белгилешет.

Китайда 20-декабрга карата коронавирус инфекциясы 37 млн. кишиден кабылды. Бул туралуу Bloomberg басылмасы өлкөнүн Улуттук саламаттык сактоо комиссиясынын жабык жыйынына таянып жазды. Декабрдын башынан бери Кытайда коронавирусту 248 млн. киши жугузуп алган. Бул калктын 18 пайызын түзөт. Жыйындын протоколунда канча киши каза болгону айтылган эмес. Bloomberg инфекциянын тез жайылышын Кытай бийлигинин COVID-19га карата саясатынын алкагындагы чектөөлөрдү жеңилдеткенине байланыштырууда. Бул калктын... Читать дальше...

Президент Садыр Жапаров 24-25-декабрда иш сапары менен Баткен облусунда боло турганын мамлекет башчынын басма сөз кызматы кабарлады. Сапардын жүрүшүндө мамлекет башчы чек ара аймактарын калыбына келтирүү жана ички жолдорду реконструкциялоо иштери, бир катар инфраструктуралык жана өнөр жай объектилеринин абалы менен таанышат. Садыр Жапаров 26-ноябрда Элдик курултайда кыргыз-тажик чек арасы боюнча коңшу өлкө менен мунаса табылганын, жакында эки тараптуу сүйлөшүү Кыргызстанда өтөрүн жана анда тиешелүү документтерге кол коюларын айткан. Читать дальше...

Бир катар чет элдик журналисттер, эл аралык уюмдар, укук коргоочулар, эксперттер “Кыргызстандагы сөз эркиндигин жана жалпыга маалымдоо каражаттарын коргоо! Журналисттерди куугунтуктоону токтотуу!” деген ураан менен кол топтой баштады. Петицияга Кыргызстан, Казакстан, Өзбекстан, Грузия, Литва, Молдова, Британия, Франциянын, "Журналисттерди коргоо комитетинин", Justice for Journalists Foundation, "Чек арасыз кабарчылар" жана башка уюмдардын, жалпысынан 60тан ашуун адамдын жана мекеме-уюмдун колу коюлду. Читать дальше...

​Орусиянын Кемерово шаарында карылар үйү жайгашкан үйдөн өрт чыгып, 20 киши каза болду. Алты киши жараат алган. Алардын экөө оор абалда ооруканада жатканы кабарланды. 20 киши жашаган үйдүн экинчи кабаты толугу менен күйүп кеткен. Кемерово облусунун прокуратурасы окуянын чоо-жайын териштирүүдө. Тергөө комитети этиятсыздыктан адам өлүмүнө алып келүү беренесинин негизинде иш козгоду. Алдын ала маалыматтарга караганда, өрткө жылыткычтын бузулушу же мештеги оттун өчүрүлбөй калышы себеп болгон. Кырсык... Читать дальше...

Улуттук коопсуздук боюнча мамлекеттик комитет Ысык-Көл облусундагы "Акун" пансионатынын жеке менчигине 17,65 гектар жер тилкеси майзамсыз берилгенин билдирди. Бул тууралуу УКМКнын басма сөз кызматы 24-декабрда кабарлады. Атайын кызматтын маалыматына караганда, 2008-жылы Ысык-Көл райондук соту "Акун" пансионатына Кара-Ой айылындагы жер тилкесин берүү боюнча мыйзамсыз чечим чыгарган. Анын натыйжасында Мамлекеттик каттоо органы жеке менчик укугуна мамлекеттик акты мыйзамсыз берген. Атайын кызмат... Читать дальше...

Кемпир-Абад иши боюнча кармалгандардын бири, Борбордук шайлоо комиссиясынын мурдагы мүчөсү Гүлнара Журабаевнын абалы оорлоп, өз алдынча баса албай калганын анын адвокаты Бакыт Автандил Фейсбук баракчасына жазды. Маалыматта Журабаеваны Ички иштер министрлигинин (ИИМ) Башкы тергөө башкармалыгынын кызматкерлери экспертиза дайындоо токтому менен тааныштыруу үчүн алып кетүүгө келгени жазылган. "Бирок, Журабаеванын дене табы 39га жетип, алсыз болгондуктан өз алдынча чыга алган жок. Тергөө абагынын... Читать дальше...

Кемпир-Абад иши боюнча кармалгандардын бири, жарандык активист Перизат Суранованын бөгөт чарасына байланыштуу апелляциялык арыз боюнча отурум Бишкек шаардык сотунда 27-декабрда өтөт. Бул тууралуу адвокат Жаныш Бараков "Азаттыкка" билдирди. Ал Суранованын абалы оор экенин, өзү менен дагы жолугушууга чыга албай жатканын айтты. "Тергөөчүнүн бөлмөсүнө да чыга албайт", - деди жактоочу. ​Буга чейин эксперт Бермет Барыктабасова Фейсбуктагы баракчасына көз карандысыз дарыгер катары тергөө абагына кирип чыкканын... Читать дальше...

АКШ Конгрессинин Өкүлдөр палатасынын атайын комитети Капитолийге кол салуу боюнча иликтөөсүнүн докладын жарыялады. 2021-жылдын 6-январында мурдагы президент Дональд Трамптын тарапташтары конгрессмендер отурган имаратка кирип барышкан. Доклад авторлору ал күнү тоз-тополоң үчүн негизги жоопкерчиликти Трампка жүктөштү жана аны кылмыш жообуна тартуу керек деген пикирин айтышты. Бул тууралуу “Америка добушу" радиосу кабарлады. Докладда атылгандай, бир нече адамдын өмүрүн алган башаламандыктын себеби бир киши ... Читать дальше...

Президент Садыр Жапаров 26-декабрда Орусиянын Санкт-Петербург шаарына иш сапары менен барат. Сапардын алкагында Көз карандысыз мамлекеттер шериктештигине (КМШ) мүчө мамлекеттердин башчыларынын бейформал жолугушуусуна катышат. Бул тууралуу президенттик администрациянын тышкы саясат бөлүмүнүн башчысы Муратбек Азымбакиев билдирди. Анын айтымында, иш-чарага Кыргызстан, Беларус, Азербайжан, Казакстан, Орусия, Тажикстан, Түркмөнстан, Өзбекстандын президенттери жана Армениянын премьер-министри катышары күтүлүүдө. Читать дальше...

Кыргызстан менен Тажикстандын чектешкен аймагында Баткен районунун акими Учкунбек Жоробаев менен Исфара районунун төрагасы Баховаддин Баходурзода жолугушту. Жолугушуу Ак-Сай айылы менен Ворух анклавы чектешкен аймакта болду. Бул тууралуу райондук администрациянын басма сөз кызматы кабарлады. Ага эки тараптын күч түзүмдөрүнүн өкүлдөрү, Кадастр мамлекеттик мекемесинин башчысы катышты. Анда чек арада ар кандай чагымчыл аракеттерди болтурбоо, түшүндүрүү иштерин жүргүзүү, туруктуулукту сактоо маселелери талкууланды. Читать дальше...