Новости за 30.08.2023

Улуттук коопсуздук боюнча мамлекеттик комитети (УКМК) Таластагы Нуржанов айыл аймагына караштуу трансформациялана элек 5,5 гектар жер тилкеси мыйзамсыз менчикке өтүп кеткенин 30-августта билдирди. Маалыматка караганда, бул аракеттен мамлекетке 50 млн сом зыян келтирилген. “Талас районунун архитектурасынын, кадастр мамлекеттик мекемесинин, ошондой эле аталган райондун Нуржанов айыл аймагынын кызматкерлери менен ич ара сүйлөшүп алып, 2011-жылдан 2022-жылга чейинки мезгилде трансформацияланбаган айыл... Читать дальше...

Быйыл Кыргызстан эгемендик алып, өз алдынча мамлекет болгонуна 32 жыл толот. Анын мааниси, акыркы жылдардагы урунттуу окуялар жана алардын сабактары тууралуу саясат таануу жана тарых илимдеринин доктору, профессор Аалыбек Акунов менен маектештик.

Маданият, маалымат, спорт жана жаштар саясаты министрлиги Кыргызстанда ТикТокту колдонууга тыюу салган чечим кабыл алды. Аталган мекеме соңку учурда бул социалдык тармак балдардын психикалык өнүгүүсүнө, саламаттыгына терс таасир тийгизип жатканына кабатырланган кайрылуулар көбөйгөнүн 30-августта маалымдады. "Белгилей кетсек, ТикТок колдонуучуну кыска клиптердин виртуалдык дүйнөсүнө батырат, аларды көргөндөн кийин өспүрүмдөр тигил же бул клиптерди кайталоого аракет кылат, алардын айрымдары балдардын өмүрүнө коркунуч туудурат. Читать дальше...

Кыргызстандын Билим берүү жана илим министрлиги менен Литвада жайгашкан германиялык Heidelberg Materials Lietuva Betonas концернинин ортосунда өз ара түшүнүшүү жөнүндө меморандумга кол коюлду. Министрликтин басма сөз кызматы билдиргендей, аталган ишкана бетон жана инерттик материалдарды өндүрөт. Меморандумга ылайык, тараптар Евро биримдикке кирген өлкөлөрдө окутуу жана ишке орноштуруу үчүн адистерди тандоо, даярдоо боюнча кызматташат. Документке Кыргызстандын Германиядагы элчилигинин демилгеси менен кол коюлду. Читать дальше...

Улуттук коопсуздук комитети (УКМК) Бишкек шаарындагы мектептерге балдарды 1-класска киргизүүдөгү коррупциялык схема аныкталып, эки адам камалганын билдирди. Анда Ленин райондук билим берүү башкармалыгынын башкы адиси А.Г.М менен А.К.О. аттуу жаран тымызын келишип алып, балдарын мектепке  жаңы киргизип жаткан ата-энелерден акча чогултуп алып жүргөнүн кабарлады. "Козголгон кылмыш ишинин алкагында А.К.О. аттуу жаран ортомчулук кылып, баланы 1-класска киргизүү үчүн 20 миң сом алып жатканда кармалды. Читать дальше...

Мексика булуңунда Идалия бороону (ураган) күч алууда. АКШнын Флорида штатында жээкке жакын жерлерден эл эвакуацияланып жатат. Жергиликтүү бийлик сайттарына, социалдык тармактарга эскертүүлөрдү жарыялады. 29-августта шамалдын күчү саатына 150 чакырымга жетип, бороонго айланды. Флориданын губернатору Рон Де Сантис 46 чөлкөмдө чукул кырдаал жарыялап, эскертүүлөргө олуттуу мамиле кылууга, коопсуз жерлерге барып турууга чакырды. Улуттук гвардиянын 5500дей аскери мобилизацияланып, адистер бороондон... Читать дальше...

Кыргызстанда биринчи жолу ички органдарды трансплантациялоо боюнча операция ийгиликтүү жасалды. Бул операция Кыргыз-түрк достугу ооруканасында жасалганын президенттин басма сөз катчысы Эрбол Султанбаев 30-августта Фейсбукка жазды. Президент Садыр Жапаров бул ооруканага барып, операция болгон жарандардан кабар алып, бейтапкананын шарты менен таанышты. Ал мындан ары кымбат баалуу операцияларды жасатуу үчүн чет өлкөлөргө баруунун кажети болбой турганын белгиледи. Оорукананын жетекчилиги мындай операциялар жасала баштаганын... Читать дальше...

31-августта түнкүсүн Талас, Жалал-Абад облустарынын көпчүлүк аймактарында, Чүй, Ош, Баткен облустарынын айрым жерлеринде жаан жаап, күн күркүрөшү күтүлөт. Эртең менен жана күндүз Чүй, Талас, Жалал-Абад облустарынын көпчүлүк аймактарында, Ысык-Көл, Нарын облустарынын айрым жерлеринде, Ош облусунун тоо этектеринде жана тоолуу райондорунда, Ош облусунун өрөөндөрүндө жана Баткен облусунда жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт. Читать дальше...

30-августта Ош шаарында Кыргызстандын Эгемендик күнүнө карата кыргыз-казак төкмө акындарынын айтышы өтөт. 16-жолу өтүп жаткан эл аралык айтыш жазгыч акын, ойчул жана тарыхчы Молдо Нияз Эрназар уулунун 200 жылдыгына арналат. Бул тууралуу Маданият, маалымат, спорт жана жаштар саясаты министрлигинин басма сөз кызматы билдирди. Айтыш Ош шаарындагы Султан Ибраимов атындагы улуттук драма театрында өтөт. Анда Кыргызстан, Казакстан, Өзбекстан, Монголиядан жалпы 16 акын айтышат. Айтыштын финалы 31-августка белгиленген. Читать дальше...

Эл аралык Human Rights Watch уюму кыргыз бийлигинин Kloop Media басылмасын жабуу аракетин айыптап, бул кадамды Кыргызстандагы сөз эркиндигин чектөөнүн уландысы катары баалады. Уюмдун кайрылуусу 30-августта сайтына жарыяланды. "Медиага каршы сот иши Кыргызстандагы ЖМК эркиндигине жана сөз эркиндигине каршы соңку кол салуу, мунун баары өлкөнүн адам укуктары боюнча эл аралык милдеттенмелерине, ошондой эле БУУнун Адам укуктары боюнча кеңешинин мүчөсү болгон статусуна туура келбейт ”, - дейт Human Rights... Читать дальше...

Бажыда коррупциялык схема түзгөн деген айып менен соттолуп, акча төлөп абактан чыккан Райымбек Матраимовдун муфтиятка имарат салып берип, ага белгилүү блогерлер, ырчылар жана спортчулар да чакырылганы, алардын чогуу түшкөн сүрөттөрү түрдүү талкууга жем таштады. Сындагандар Матраимовдун бажыда коррупциялык схема түзгөнүн, саясаттагы таасирин жана шоу-бизнес өкүлдөрүнүн моралдык жоопкерчилигин жазып жатышат.  27-августта муфтияттын жаңы имаратынын ачылышына бир тууган Матраимовдор сыйлуу конок катары чакырылып... Читать дальше...

Талас облустук ички иштер башкармалыгынын маалымат кызматы 30-августта кабарлагандай, Кайнар айылынын тургундарынын "Курт-Булак" жайлоосунда жайылып жүрүп, чек арадан өтүп кеткен 130 баш кой артка кайтарылды. 19-августта Айтматов районунун Казакстан менен чектеш жайгашкан "Курт-Булак" жайлоосундагы койлор жайылып жүргөн жеринен жоголгону тууралуу кайрылуу болгон. "Эки тараптын милиция кызматкерлеринин сүйлөшүүлөрүнөн кийин казак тарапка өтүп кеткен 130 кой жана эки эчки кайтарылды",- деп айтылат... Читать дальше...

Улуттук коопсуздук комитети (УКМК) Бишкектеги мектептердин биринин директору пара алып жатканда кармалганын билдирди. Атайын кызмат ал балдарын 1-класска киргизген ата-энелерден акча жыйнаган коррупциялык схема түзүп алганын маалымдады. "УКМК бул фактыга байланыштуу Кылмыш-жаза кодексинин 343-беренеси ("опузалап пара талап кылуу") менен кылмыш ишин козгоп, К.А.Т. аттуу мектеп директорун тергөө абагына киргизилди. Ал баюу максатын көздөп билим берүү тармагынын башка кызматкерлери менен келишип алып... Читать дальше...

Президент Садыр Жапаров 29-августта "Элдик курултай өткөрүү жөнүндө" жарлыкка кол койду. Документке ылайык, келерки курултай ушул жылдын аягына, 15-декабрга белгиленди. Жарлыктын негизинде жер-жерлерден 700 делегатты шайлоо, курултайдын өткөрүү регламентинин долбоорун даярдоо тапшырмасы берилди. Өткөн аптада Садыр Жапаров былтыркы курултайдын делегаттарынын ыйгарым укуктарын токтотуу тууралуу жарлыкка кол койгон. Анда бул документке "Элдик Курултай” жөнүндө мыйзамы кабыл алынып, күчүнө киргени себеп болгону жазылган. Читать дальше...

Президент Садыр Жапаров соңку маектеринде көз карандысыз медиаларды мамлекеттин кызыкчылыгын көздөбөйт деп сындап келет. Бир катар медиа эксперттер "демократия аралындагы" мындай айыптоону сөз эркиндигин чектөө аракети катары сыпаттоодо. "...зыяныңардан башка пайдаңар жок" "Клооп", "ПолитКлиника" порталдары Жалал-Абаддагы “Барселона” футбол академиясынын ачылышына УКМКнын төрагасы Камчыбек Ташиевдин жакындарынын жана Ысык-Көлдөгү пансионаттардын бирине президенттин уулунун катышы тууралуу маалыматтарды жарыялаган. Читать дальше...

Транспорт жана коммуникациялар министри Тилек Текебаев Ош-Баткен-Разаков жолунун Ноокаттагы тилкесине асфальт төшөө аяктаганын билдирди. Сентябрга чейин жол сызыктары чийилип, белгилер орнотуларын айтты. Буга чейин Улуттук коопсуздук комитетинин төрагасы Камчыбек Ташиев бул жолдун оңдолушун өз көзөмөлүнө алганынын билдирген. Ал өткөн айда өкмөттүн жыйында жол  сентябрга чейин оңдолуп бүтпөсө Текебаевге кызматынан алынарын эскерткен. Буга чейин Ноокаттын жолунун абалына байланыштуу сын-доомат айтылып келген. Читать дальше...

Кыргызстандын Тышкы иштер министрлиги (ТИМ) "Айкөл" гуманитардык миссиясынын  алкагында Сириянын түндүк-чыгышындагы лагерден кыргызстандык жарандар алынып келгенин билдирди. Мекемемин маалыматына караганда, алардын 31 аялдар, 64ү жашы жете элек балдар. Бул иш-чарага АКШнын өкмөтү баштаган эл аралык уюмдар көмөктөштү.  "Кыргызстандык жарандарды Сириядан репатриациялоонун экинчи этабы тышкы саясат, улуттук коопсуздук, укук коргоо, саламаттык сактоо жана социалдык камсыздоо тармагындагы мамлекеттик... Читать дальше...