Новости за 21.09.2023

Temirov Live иликтөө тобунунун соңку иликтөөсүндө президент Садыр Жапаровдун жубайы Айгүл Жапарова "Эне-Балага Тирек" коомдук фонду менен Кытай элчилигинен 9 миллиард сом каражат алганын таап чыкты. Көп өтпөй эле Министрлер кабинетинин төрагасынын орун басары Эдил Байсалов иликтөөгө реакция кылып, көрсөтүлгөн сумманы "техникалык ката" десе, биринчи айымдын фонду иликтөөдөгү маалыматтар "чындыкка жатпайт" деп билдирүү таратты. Фондго түшкөн акча Temirov Live каналы жарыялаган иликтөөдө 2022-жылы... Читать дальше...

20-сентябрда Жалал-Абад шаарында көзү азиз адамдар арасында кичи футбол боюнча шаар мэринин кубогу өттү. Бул тууралуу президенттин Жалал-Абад облусундагы өкүлчүлүгүнүн басма сөз кызматы билдирди. Кубокко Кыргызстандын ар кайсы аймактарынан сегиз команда чогулду. Иш-чарага президенттин Жалал-Абад облусундагы ыйгарым укуктуу өкүлүнүн орун басары Эркинбек Маматаев, ыйгарым укуктуу өкүлдүн аппарат жетекчиси Уларбек Исмаилов жана жергиликтүү бийлик өкүлдөрү катышты. Эркинбек Маматаев облустагы майыптыгы бар жарандарга ар тараптуу көмөк көрсөтүү... Читать дальше...

Жогорку Кеңештин 21-сентябрдагы жыйынында "Альянс" фракциясынын депутаты Фарходбек Алимжановдун мандатынын алынышын териштирүү үчүн депутаттык комиссия түзүлбөй калды. Буга макулдук берген депутаттардын санынын аздыгы себеп болду. Парламенттин вице-спикери Нурбек Сыдыгалиев депутаттык комиссия түзүү үчүн кеминде 46 депутат макулдугун бериши керектигин тактады.  Жыйында Алимжановдун мандатына байланыштуу депутаттык комиссия түзүүнү “Альянс” фракциясы сунуштаган. Фракция лидери Жанарбек Акаев Боршайкомдун... Читать дальше...

Жогорку Соттун төрагасы Замирбек Базарбеков Сокулук районунун Селекция айылында бычакталган келиндин иши боюнча кеңешме өткөрдү. Бул тууралуу мекеменин басма сөз кызматы 21-сентябрда “Азаттыкка” билдирди. Анда келинди бычактоого шек саналып кармалган А.Э. аттуу жаранга буга чейин эки жолу зордуктоо фактысы боюнча кылмыш иши козголгону белгилүү болду. Биринчи кылмыш иши былтыр 19-октябрда Сокулук райондук сотунда каралып, кыскарган. Буга жабырлануучунун тосмо арыз бергени жана сот отурумунда тараптар элдешкени себеп болгон. Читать дальше...

Балбан Акжол Махмудов Сербиянын Белград шаарында өтүп жаткан күрөш боюнча Дүйнө чемпионатынын финалына чыгып, 2024-жылкы Париж Олимпиадасына жолдомо алды. Бул Олимп оюндарына алынган Кыргызстандын куржунундагы 4-жолдомо. Акжол Махмудов 21-сентябрда грек-рим күрөшүнөн 77 кг салмакта жарым финалда жапониялык Нао Кусаканы 7:5 эсебинде утту. Ал буга чейин норвегиялык Пер Андерс Курени (4:3), 1/8 финалда египеттик Мохаммед Ехаб Захаб Халилди (9:0), ¼ финалда өзбекстандык Арам Варданянды (6:0) уткан. Читать дальше...

Кыргызстандык сууда сүзүүчү Денис Петрашов 2024-жылы Парижде боло турган Олимп оюндарына жолдомо алды. Дене тарбия жана спорт департаментинин маалыматына караганда, аталган лицензия спортчуга Жапонияда өткөн сууда сүзүү боюнча Дүйнө чемпионатынын жыйынтыгы менен берилген. Бул Олимп оюндарына алынган Кыргызстандын куржунундагы үчүнчү жолдомо. Денис Петрашов 2016-жылы Рио-де-Жанейродо жана 2021-жылы Токиодо өткөн Олимп оюндарына катышкан. Бир нече эл аралык мелдештердин жеңүүчүсү. Буга чейин балбан... Читать дальше...

Азербайжандын Евлах шаарында азери бийлигинин өкүлдөрү менен жикчил Тоолуу Карабактын делегациясы жолугушту. Селекция айылында бычакталган келин 8 сааттан ашык операциядан кийин гана өзүнө келди. Ош - Сары-Таш - Эркечтам автожолундагы Картай айылында болгон автокырсыктан үч адам мүрт кетти. Балбан Акжол Махмудов Белград шаарында өтүп жаткан күрөш боюнча Дүйнө чемпионатынын финалына чыгып, 2024-жылкы Париж Олимпиадасына жолдомо алды.

Жалал-Абад шаарындагы Курманбек стадионунда мүмкүнчүлүгү чектелген жарандар арасында XII облусттук спартакиада өттү. Майтарылбас эрктүүлөрдүн таймашы 2010-жылдан бери өтүп келатат. 200дөй аттандаш спорттун сегиз түрү боюнча күч сынашты.

Тоолуу Карабактагы армян тектүү тургундардын келечеги кандай болот? 20-сентябрда Тоолуу Карабактын де-факто бийлиги Бакунун шарттарына баш ийип, ок атышууну токтотууга жана капитуляцияга макул болгон.

Сербиянын Белград шаарында өтүп жаткан кыз-келиндер күрөшү боюнча Дүйнө чемпионатында кыргызстандык Айпери Медет кызы күмүш медал тагынды. Айсулуу Тыныбекова дагы 62 килограмм салмакта финалга чыкты. Экөө тең Олимпиада оюндарына жолдомо алды. Белградда жүргөн Кыргызстандын Күрөш федерациясынын президенти Мелис Турганбаев "Азаттыккка" маек куруп, кыргыз спортчуларынын мүмкүнчүлүгү, күтүлүп жаткан жыйынтыктар тууралуу айтып берди. - Күрөш боюнча Белградда өтүп жаткан Дүйнө чемпионатына кыргызстандын... Читать дальше...

Селекция айылында мурдагы күйөөсү бычактаган 36 жаштагы келин 8 саат операциядан кийин өзүнө келди. Милиция кылмышка шектүү буга чейин дагы зомбулук үчүн айыпталып, сот чечими менен пробацияга чыкканын ырастайт. Бул окуя аялдар кабылган зордук-зомбулук маселесин кайрадан күн тартибине чыгарды.

Өзбекстандын борбору Ташкенттке жети жаштагы кызга ыдык көрсөткөн киши 18 жылга камалды. Nemolchi.uz маалымат каналы 21-сентябрда кабарлагандай, "ыплас ниетин ишке ашырган" деп айыпталган жергиликтүү тургунду райондук сот күнөөлүү деп тапты. Көп кабаттуу үйлөрдүн биринин подъездинде 55 жаштагы эркек киши жети жаштагы кызга жаман ой менен тийишкени быйыл июлда аныкталып, бир суткада шектүү кармалган. Nemolchi.uz маалымат каналы акыркы жылдары педофилияга байланыштуу ондогон окуяларды коомчулукка алып чыкты. Читать дальше...

Улуттук коопсуздук комитетинин төрагасы Камчыбек Ташиев ундун баасынын кымбатташы боюнча маселе көтөргөн Жогорку Кеңештин депутаттарына жооп берди. Бул тууралуу ал 21-сентябрда Фейсбук баракчасына жазгандай, ундун баасын туруктуу кармоо жана толук камсыздоо боюнча кошумча чаралар көрүлгөн. Ал Казакстандан келген ундун баасынын кымбатташы элге таасир этпей турганын жазды. "1-сорттогу бир килограмм ундун баасы 30 сом, бир мүшөгү 1500 сом. Жакын арада мындан да төмөндөшү мүмкүн. Себеби, арзан... Читать дальше...

Орусиянын өкмөтү 21-сентябрда бензин менен дизель майын экспорттоого тыюу салды. Мындай чечим түшүм жыйноо өнөктүгүндө жогорулаган ички бааларды турукташтыруу үчүн кабыл алынганы айтылат. Өкмөттүн токтому расмий жарыяланган жок. Бирок премьер-министрдин басма сөз кызматы жана мамлекеттик органдар тыюуну “убактылуу чектөө” деп атоодо. Алардын жүйөсүндө бул чара ички рынокту толтуруу үчүн кабыл алынган. 20-сентябрда вице-премьер-министр Александр Новак өкмөт өкүлдөрү бааларды чектөө боюнча радикалдуу чараларды көрүүгө даяр экенин билдирген. Читать дальше...

Президент Садыр Жапаров 21-сентябрда Нью-Йорк шаарында АКШ президенти менен анын жубайы Жилл Байдендин кабыл алуусунда болду. Бул тууралуу президенттин басма сөз катчысы Эрбол Султанбаев Фейсбукка жазды. “Салттуу кабыл алуу расмий иш-чаралардан кийин БУУнун Башкы Ассамблеясынын 78-сессиясына катышкан мамлекет башчыларынын урматына өттү”, - деп жазды Султанбаев. Президент Жапаров БУУнун Башкы Ассамблеясынын 78-сессиясына катышуу үчүн АКШга барган. Ал 19-сентябрда сессияда сүйлөгөн сөзүндө дүйнөдөгү геосаясий өзгөрүүлөр... Читать дальше...

Чүйдүн Селекция айылында мурдагы күйөөсү кулак-мурдун кескилеп салган 36 жаштагы келин 8 сааттан ашык операциядан кийин өзүнө келгенин Улуттук госпиталдан билдиришти. Милиция кылмышка шектүү соттун чечими менен пробацияда болгонун ырастап жатат. Жакындарынын айтымында, келин буга чейин да зомбулук көрүп, милицияга эки жолу кайрылган. Бул окуя укук коргоо органдарына сынды күчөттү. "Кесилген кулак-муруну бүтүп кетет деген үмүттөбүз" Мурдагы күйөөсү мыкаачылык менен бычактап, зордук-зомбулук... Читать дальше...

"Азаттык" таанымал акын, котормочу жана журналист Жыргалбек Касаболотовдун чыгармачылыгы, учурда эмне менен алектенип жатканын сурап, коомдогу болуп жаткан соңку окуялар тууралуу оюн укту. - Жыргалбек мырза, соңку эки-үч жылдан бери Түркияда эмгектенип жүрдүңүз окшойт. Мекенден ыраак жүргөн чыгармачыл адамдын жан дүйнөсүндө сөзсүз бир өзгөрүүлөр болсо керек? Бул убакта эмне иштер менен алек болдуңуз? - “Азаттыкта” иштеп жүргөндө эле Стамбулга жумушумду которгом. Жамааттан биротоло кеткенден кийин бир катар долбоорлор бар болчу... Читать дальше...

Жогорку Кеңештин 21-сентябрдагы жыйынында "Альянс" фракциясынын депутаты Фарходбек Алимжановдун мандатынан ажыратылышы боюнча депутаттык комиссия түзүлдү. Мындай сунушту айткан фракция лидери Жанарбек Акаев  Алимжановдун дипломуна байланыштуу коюлган айыптар негизсиз экенин, мунун депутат өзү далилдеп бергенин билдирди. "Фракция БШКнын чечимдерин иликтөө боюнча депутаттык комиссия түзүү чечимин чыгардык. Фарходбек Алимжанов 6 миңге жакын добуш алып, парламентке келген депутат. Ал өзү окууга катышып... Читать дальше...

Казакстандын Башкы прокуратурасы экс-президент Нурсултан Назарбаевдин иниси Самат Абишке каршы сотко чейинки иликтөө жүргүзүп жатат. Ал Улуттук коопсуздук комитетинин башчысынын мурдагы биринчи орун басары болуп иштеп турганда кызматынан кыянаттык менен пайдаланган деп айыпталууда. Иш былтыркы Январь окуяларына байланыштуу ачылган. Самат Абиш - Нурсултан Назабаевдин маркум иниси Сатыбалдынын уулу.

Азербайжандын Евлах шаарына азери бийлигинин өкүлдөрү менен жолугушуу үчүн Тоолуу Карабактагы армян жамаатынын делегациясы барды. Trend агенттигинин маалыматында, армян делегациясын орусиялык аскерлер коштоп жүрөт. Жолугушуунун жыйынтыгы тууралуу азырынча маалымат жок. Буга чейин Карабактагы армян жамаатын кайра интеграциялоо боюнча "азери тараптын сунуштары", Тоолуу Карабактын тургундарынын жашоосун Азербайжандын Конституциясынын алкагында камсыз кылуу маселелери талкууланары кабарланган. Читать дальше...

Чолпон-Ата шаарында кечээки селдин кесепетин жоюу иштери уланууда. Бул тууралуу бүгүн 21-сентябрда Өзгөчө кырдаалдар министрлигинен (ӨКМ) билдиришти. Мекеменин маалыматына караганда, 25 куткаруучу, Жарандык коргонуу кызматынан 25 кызматкер, жергиликтүү бийликтен жана тургундардан 35 адам, жалпысынан 85 адам иштөөдө. Чоң көлөмдөгү оор жумуштарды аткарууга 8 техника жана 1 мотопомпа жеринде иштеп жатат. 20-сентябрда нөшөр жаандан кийин сел суусу 30 үйдү (алардын үчөөндө суу ичине чейин кирген)... Читать дальше...

Америкалык миллиардер Илон Маскка таандык Neuralink компаниясы ушундай эле аталыштагы дарылоо аппаратын сыноо үчүн ыктыярчыларды тарта баштады. Neuralink – мээге орнотулган микрочип. Изилдөөгө жаракаттан же неврологиялык оорудан улам шал болгон адамдар катышат. Эгер сыноо ийгиликтүү өтсө, бейтап кадимки жашоого кайтат. Микрочипте 3000ден ашык электрод бар, мээге ар бири адамдын чачынан 10 эсе ичке зымдар менен байланышат жана миңдей нейронду башкара алат. АКШнын Азык-түлүк жана дары-дармектерди... Читать дальше...

Кыргыз-Түрк “Манас” университетинин Коммуникация факультетиндеги журналистика бөлүмүнүн 4-курсунун студенти Акылай Жеңишованын блогу.   Автордун пикири "Азаттыктын" көз карашын чагылдырбай турганын эскертебиз.   Жакында режиссёр Адилет Акматовдун драма, криминал жанрындагы "Пери" тасмасы элге тартууланды. Тасма зордук-зомбулук, сексуалдык ыдык көрсөтүү, мыйзамдарын иштебестиги, акыйкатсыздык сыяктуу социалдык оор темаларды козгойт жана көрүүчүнү ойлонтот. Окуя тасманын баш каармандарынын бири... Читать дальше...

Өзбекстан менен Тажикстандын чек арасында жүк ташуучу автоунаалардын узун кезеги жаралды. Айдоочулар Өзбекстандын Сурхандарыя облусундагы Сарыасия өткөрүү пунктунан Тажикстанга өтүү үчүн бир жумадан бери кезек күтүп жатканын билдиришти. Алар “Азаттыктын” тажик кызматына жөнөткөн видеолордо машинелердин тыгыны беш чакырымга чейин жетерин белгилешти.  Тажикстандын “Дусти” бажы бекетинин кызматкерлери кезек күтүү “автоунааларга кылдаттык менен көзөмөлдөөдөн” улам пайда болгонун билдиришти. Тажик... Читать дальше...

Республиканын түштүк аймагында пахта эккен жана жаңгак өстүргөн дыйкандар мээнети акталбай жатканына нааразы экенин бүгүн 21-сентябрда Жогорку Кеңештин жалпы жыйынында депутат Айбек Алтынбеков билдирди. Депутат пахтанын баасына нааразы болгон дыйкандар өкмөттөн жардам сурап жатышканын, парламент протоколдук тапшырма бериши керектигин айтты: “Былтыркы да, быйылкы да пахтасы кампаларда, пахта заводдорунда турат сатылбай. Эгер Министрлер кабинети жардам бербей кала турган болсо кийинки жылы пахта эгүү токтоп калышы толук ыктымал. Читать дальше...