Новости за 11.10.2023

Бүгүн, 11-октябрда Жалал-Абад шаарында өткөн Кыргызстан менен Орусиянын аймактар аралык жыйынынын алкагында калаада парк курула турганы маалым болду.  Кыргызстандын министрлер кабинетинин төрагасы Акылбек Жапаров менен орус өкмөт башчысынын орун басары Алексей Оверчук курулушка капсула салып, алгачкы балаты отургузулду. Кыргыз-орус өнүктүрүү фондунун башкармалыгынын төрагасы Артём Новиковдун берген маалыматына караганда, бул паркка түрдүү иш-чаралар үчүн аянтча, павильондор, веложолдор, балдар аянтчалары... Читать дальше...

Ысык-Көл облусунун Жети-Өгүз районунун Саруу айылында өткөн жергиликтүү шайлоодо бул жолу активдүүлүк төмөн болду. Борбордук шайлоо комиссиясынын (БШК) маалыматына караганда, 8-октябрдагы добуш берүүгө 6 миңдей шайлоочунун 1,5 миңден ашууну гана катышты – бул 25,58% түзөт. Боршайком мүчөсү Узарбек Жылкыбаев 11-октябрда “Азаттыкка” билдиргендей, шайлоочулардын катышуу көрсөткүчү жыйынтыкка таасир эте албайт, андыктан шайлоо өттү деп эсептелет:   “Айыл жергеси үчүн бул азыраак негизи. Мурунку көрсөткүчтөр 40-50% тегерегинде болуп жүрчү. Читать дальше...

Бишкектин ооруканаларына, "Тез жардам" кызматына күйөөсүнөн токмок жеген аялдар күнүгө кайрылат. Бирок алардын көбү арыз жазуудан баш тартып келет. “Азаттык” борбор калаадагы дарыгерлер менен маектешип, зордук-зомбулук боюнча маалымат алды. Дарыгерлер күбө болгон айрым окуялар үрөйдү учурат. Алардын айтымында, аялын кабыргасы сынгыча, башы жарылгыча сабагандар, сабап өлтүрүп койгондор да кездешет.

Бир катар укук коргоо уюмдарын бириктирген “Теңчилик үчүн коалиция” бирикмеси “чет элдик өкүл” мыйзамы боюнча билдирүү таратып, анын кесепети Кыргызстандын ар бир жаранына тиерин эскертти. 11-октябрда жарыяланган билдирүүдө депутаттардын аталган сунушу кыргыз жарандарынын Конституцияда жана эл аралык милдеттенмелерде кепилденген фундаменталдык укуктары менен эркиндиктерин бузары, өлкөнүн укук коргоо секторун таптакыр жок кылары белгиленди. «Оюн эркин билдирүүнү, эркин чогулууну жана тынч жыйындарды өткөрүүнү... Читать дальше...

Орусиянын президенти Владимир Путиндин Кыргызстанга расмий сапарын утурлай, Жалал-Абад шаарында эки өлкөнүн аймактар аралык X жыйыны уюштурулду. Жыйындын ачылышында эки өлкөнүн лидерлери онлайн катышып, сөз сүйлөштү. Путин Кыргызстандын аймактарын өнүктүрүүдө Орусиянын да салымы бар экенин белгиледи. Анын бири катары Орусия куруп жаткан орто мектептерди, анда иштөөгө жиберилип жаткан мугалимдерди, Ош шаарында курулушу айтылып жаткан М. Ломоносов атындагы университеттин филиалын мисал келтирди. Читать дальше...

Шаршембиде эртең менен Ооганстандын батышында күчү 6,3 баллга жеткен дагы бир жер титирөө катталды. Өткөн дем алышта болгон зилзала 2 400дөн ашуун кишинин өмүрүн кыйган. АКШнын Геологиялык көзөмөлдөө борбору маалымдагандай, 11-октябрдагы жер титирөөнүн очогу Герат шаарына 28 километр жакын жерде орун алган. Калаа ооруканасындагы булактар “Эркин Европа/Азаттык” радиосуна айтып беришкендей, кеминде бир киши каза тапты, 65 киши жараат алды. Бир нече турак жай урап калганы кабарланды. Талибдер жетектеген... Читать дальше...

Эл аралык валюта фонду (ЭВФ) Кыргызстандын экономикасына байланыштуу болжолун төмөндөтүп, жыл жыйынтыгында 3,4% өсөт деген бүтүм чыгарды. Бул тууралуу мекеменин октябрдагы баяндамасында айтылат. ЭВФ апрелдеги билдирүүсүндө Кыргызстандын ички дүң өнүмү быйыл 3,5% жогорулайт деген болжол келтирген. Октябрдын башында Дүйнөлүк банк да өз баяндамасында Кыргызстандын ички дүң өнүмү(ИДӨ) 2023-жылы мурда болжолдонгондой 4% менен эмес, 3,5% өсүш менен чыгат деп божомол жасаган. Финансылык мекеменин адистери... Читать дальше...

Соңку жылдары Кыргызстанда мамлекеттик жетекчи кызматтарда аялдар азайды. Өкмөттө үч гана министр аял болсо, облус, шаар, район жетекчилеринин ичинде бир да аял жок. Ал арада Кыргызстанда 5-октябрда “Эркектер жана аялдар үчүн бирдей укуктар менен бирдей мүмкүнчүлүктөрдүн мамлекеттик кепилдиктери жөнүндөгү” мыйзамга өзгөртүү киргизүү долбоору четке кагылды. Депутаттар бул документ тең укуктуулукту жетиштүү деңгээлде коргоп, камсыз кыла албайт деп белгилешүүдө. Мыйзамдын демилгечиси - Эмгек, социалдык камсыздоо жана миграция министрлиги. Читать дальше...

Атайын операция маалында өлтүрүлгөн Камчы Көлбаевдин (Камчыбек Асанбек) уюшкан кылмыштуу тобунун активдүү мүчөсү, “Казбек кара” деген ат менен белгилүү К.С. Билалов жана ушул эле кылмыштуу топко тиешеси бар П.О.В. аттуу жаран кармалды. Бул тууралуу Улуттук коопсуздук боюнча мамлекеттик комитет (УКМК) кабарлады. Билалов буга чейин бир нече жолу сот жообуна тартылган. Ал Бишкек шаардык ички иштер башкармалыгынын убактылуу кармоочу жайына киргизилди. П.О.В. аттуу жарандын үйүндө жана иш бөлмөсүндө ок атуучу куралдардын гильзалары... Читать дальше...

Адилет Балтабай деген ат менен таанымал блогер жана жарандык активист Адилет Али Мыктыбек Улуттук коопсуздук боюнча мамлекеттик комитетте (УКМК) кечээ бир нече саат суракта болду. Бул тууралуу ал бүгүн 11-октябрда “Азаттыкка” билдирип, саат түшкү 1де алып кирип, кечки 10го чейин кармашканын, Камчы Көлбаевдин кылмыштуу тобу менен байланышы бар же жогун такташканын айтып берди.   Блогер дайынсыз болуп жатканын, Сокулук районундагы пробация мекемесине бир айда эки жолу барып катталып турарын, бул... Читать дальше...

Бишкекте машина тыгынын жоюу оор маселе экенин 10-октябрда Жогорку Кеңештин Укук тартиби, кылмыштуулукка жана коррупцияга каршы күрөшүү комитетинде Ички иштер министрлигинин Жол кыймылынын коопсуздугун камсыз кылуу башкармалыгынын башчысы Азамат Исраилов билдирди. Депутаттардын бул көйгөй тууралуу суроосуна жооп берип жатып ал борбор калаада автомашиналар жарым миллионго жеткенин айтты: “Бул абдан көйгөйлүү маселе, жергиликтүү бийлик менен бирге иштеп чыгуу керек. Тыгынды жоюш азыр абдан оор болуп жатат. Читать дальше...

Эмгекке жарамсыз жана материалдык жардамга муктаж ата-энесин багуудан качкан эмгекке жөндөмдүү, бойго жеткен балдарынын жазасын күчөтүү тууралуу мыйзам долбоору бүгүн 11-октябрда Жогорку Кеңештин жалпы жыйынында биринчи окууда кабыл алынды. Депутат Тазабек Икрамов демилгелеген бул сунушту депутаттар бир добуштан колдошту жана андай уул-кыздардын мамлекеттик кызматта иштөөсүнө да бөгөт коюу керектигин айтышты. Икрамов депутаттардын бардык сунуштары экинчи окууга чейин эске алынарын, жазалоо механизми бар экенин... Читать дальше...

Баткендин Тажикстан менен чектеш Дөбө айылынын 3 чакырым ички жолу 11 айдан бери оңдолбой, кечигип жатат. Жолго 18 миллион сом бөлүнүп, пилоттук долбоор катары таш төшөлмөк. Ушул тапта болгону 200 метр жол гана бүттү. Айылдыктар иштин кечигип жатканына нааразы болуп жатышат.

ХАМАС тобунун чабуулунан каза болгон Израил жарандары 10-октябрга карата 1200гө жеткенин жергиликтүү басылмалар кабарлашты. Газа секторунун Саламаттык сактоо министрлигинин соңку маалыматы боюнча, каза болгон палестиналыктар 900гө жетти, Иордан дарыясынын батыш жээгинде дагы 21 киши набыт болду, каза болгондордун жарымы балдар жана аялдар. Мындан тышкары 4500 палестин жараны жараат алды.   Соңку суткада Израилдин армиясы ХАМАС тобунун Газа секторундагы турумдарына 450дөн ашуун жолу чабуул жасады. Читать дальше...

Грек-рим күрөшү боюнча федерациянын вице-президенти Ахрор Иминов уюшкан кылмыштуу топторду каржылаган деген шек менен кармалганын бүгүн 11-октябрда Улуттук коопсуздук боюнча мамлекеттик комитеттин (УКМК) басма сөз кызматы билдирди. Мекеменин маалыматына караганда, ал Бишкек милициясынын убактылуу кармоочу жайына камакка алынды. Атайын кызмат Иминов Камчы Көлбаевдин (Камчыбек Асанбек) кылмыштуу тобунун айрым мүчөлөрүн каржылап келгенин, ал Кылмыш-жаза кодексинин “Уюшкан топту түзүү же ага катышуу”... Читать дальше...

Израилдеги кыргызстандыктар арасынан үчөө бул өлкөдөн чыгып кетүү ниетин билдиргенин, ушул тапта аларды алып чыгуу маселеси каралып жатканын 11-октябрдын кечинде Кыргызстандын Израилдеги элчилиги (резиденциясы Анкарада жайгашкан) билдирди. Мекеменин маалыматына караганда, Израилде жашап жаткан кыргыз жарандарынын тизмеси такталууда, азыркы тапта алардын саны 65 киши деп аныкталды. Ар бирине телефон чалып, тактоо иштери уланууда. Соңку окуялардан улам кыргыз жарандары жабыр тартканы тууралуу маалымат түшпөгөнү маалымдады. Читать дальше...