Өткөн аптада кыргыз-тажик мамлекеттик чек арасын тактоо боюнча топографиялык жумушчу топторунун кезектеги жолугушуусунда дагы 10 чакырымдан ашыгыраак чек ара сызыгы боюнча мунаса жетишилгени кабарланды. Жумушчу топ чек араны тактоодогу эң татаал участкаларда иштеп жатат.
Казакстандын президенти Касым-Жомарт Токаев кыз-келиндердин жүзүн толук жапкан паранжы кийишине каршы экенин билдирди. Ал муну "радикалдар таңуулоого аракет кылып жаткан диний кийим" деп атады. Казакстанда соңку учурда диний кийимдер боюнча талкуулар байма-бай болуп жатат.
Стамбулда жашаган тажикстандык эки оппозициячыл активисттин табышмактуу жагдайда жоголушу Түркия мурдагыдай борбор азиялык активисттер үчүн коопсуз болбой калганынан кабар берет. Он жыл мурда Түркияда экстрадициялоо коркунучу аз, борбор азиялыктарга ээн-эркин кирип-чыгууга мүмкүнчүлүктөр бар болчу.
Кыргызстанда өкмөт билим берүү тармагын реформалоо аракетин баштаганын билдирүүдө. Билим берүү жана илим министрлиги мектептерге 12 жылдык окутуу системасын камтыган "Алтын Казык" программасын сунуштап жатат. Буга чейин мындай ондогон демилгелер көтөрүлүп, ишке ашкан эмес.