Матраимовдордун кармалышы, коррупцияга каршы күрөш
Бажы кызматынын төрагасынын мурдагы орун басары, эл аралык издөөдө жүргөн Райымбек Матраимов жана анын үч бир тууганы Бакудан жеткирилип, камакка алынды. Матраимов ушуну менен азыркы бийликтин тушунда экинчи жолу кармалды. Аны жазага тартуу талабы бир нече жылдан бери айтылып, бирок бийликтин Матраимов боюнча позициясы белгисиз болуп келген. Бийлик уюшкан кылмыштуу топ менен бирге коррупцияга каршы чыныгы күрөш жүрүп жатканын жар салып, бул окуяны анын далили катары көрсөтүүдө. Соңку окуяларды бийлик атаган “мафия” менен күрөштүн жыйынтыгы деп айтса болобу? Бул окуя дагы кандай өнүгүшү мүмкүн?