Грција го ограничи шеријатот за муслиманското малцинство
Грчкиот парламент синоќа го укина специфичниот режим на употреба на шеријатското право за решавање на семејни прашања на муслиманското малцинство во таа земја. Според премиерот Алексис Ципрас, станува збор за историска реформа. „Тоа ја проширува еднаквоста пред законот за сите Грци и ги почитува карактеристиките на малцинството во Тракија, на североистокот на Грција“, изјави Ципрас. Во овој дел живеат над 110 илјади луѓе со турско и ромско потекло, како и Бугари со исламска вероисповед. Семејните прашања веќе 100 години таму ги решаваат муфтиите, често пати на штета на еднаквоста на половите.