Фич го зголеми кредитниот рејтинг на Хрватска
Меѓународната рејтинг агенција „Фич“ го зголеми кредитниот рејтинг на Хрватска, првпат од 2004 година, објави хрватската агенција Хина.
Рејтингот на земјата се зголемува од „ББ" на „ББ +" со стабилна перспектива. Одлуката е произлегува од одличната туристичка сезона и подобрувањето на јавните финансии, наведе Хина.
Економскиот раст на Хрватска во 2017 година остана на ниво од три отсто, а очекувањата се дека и во прогнозираниот период растот ќе продолжи. Економистите, исто така, очекуваат ниско ниво на инфлација.
Премиерот Андреј Пленковиќ рече дека зголемениот кредитен рејтинг на Хрватска е „добра вест", и охрабрување за владата да продолжи на патот на реформите.
Министерот за финансии Здравко Мариќ ја опиша оценката на Фич како признание за напорите и резултатите на владината економска политика.