Казахстан: Осудена жена која планирала учество во ИД
Судот во централен Казахстан осуди 30-годишна жена на девет години затвор за обвиненија дека планирала да се приклучи на милитантната група Исламска држава (ИД) во Сирија.
Судот денеска пресуди дека обвинетата, која е идентификувана само со нејзиното име (Жансаја T.) е виновна за подготовка за придружување кон терористичка група.
Обвинителот рече дека планирала да патува во Сирија каде имала намера да работи како медицинска сестра за милитантите на ИД. Таа исто така е прогласена за виновна за обид да убеди тинејџер да се приклучи кон терористичката организација.
Жената, која беше уапсена во септември, се изјасни дека не е виновна велејќи дека била наместена од страна на офицери од Комитетот за национална безбедност на Казахстан.
Казахстанските власти велат дека стотици жители на земјата се борат заедно со ИД и други милитанти во Сирија.