Уапсен гувернерот на централната банка на Летонија
Кабинетот на летонскиот премиер соопшти дека агенцијата за антикорупција го уапсила гувернерот на централната банка Илмар Римшевич. Според соопштението, бил извршен претрес и на канцеларијата на гувернерот.
Во соопштението не се наведуваат детали за случајот, но се посочува дека апсењето на Римшевич не претставува закана по финансискиот систем на земјата. Кабинетот на премиерот ќе се состане утре за да направи анализа на ситуацијата.