Лондон- четворица уапсени откако се качиле на балконот на амбасадата на Иран
Британската полиција уапси четири лица кои се искачија на балконот на иранската амбасада во Лондон и развеаја знамиња во знак на протест против владата во Техеран.Полицијата информираше дека четворицата мажи кои се во притвор се осомничени за предизвикување на криминална штета и незаконско влегување во дипломатски објект.
Протестантите кои не успеаја да влезат внатре во зградата самите се предадоа на полицијата по три часа минати на балконот на амбасадата на кој развеаја сино-бело знаме.
Портпаролот на иранското министерство за надворешни работи изјави дека Иран упатил протест до Британската влада поради инцидентот. Иранската државна новинска агенција ги нарече протестантите „припадници на екстремен култ“ кои живеат во Британија. Од иранското министерство е побарано да се обезбеди апсолутна заштита за иранските дипломати во Лондон и итно справување со напаѓачите. Портпаролот на британското министерство за надворешни работи изјави дека за нив безбедноста на дипломатите и дипломатските мисии во Обединетото Кралство е од највисока важност.