Ердоган - Мерките на Австрија ќе се свртат против неа
Турскиот претседател Реџеп Таип Ердоган ја предупреди Австрија, откако во петокот австрискиот канцелар Себастијан Курц изјави дека предизборните средби, поврзани со претстојните избори во Турција, закажани за во јуни, ќе бидат забранети.
„Мерките кои ги презема Австрија ќе се свртат против неа“, изјави Ердоган по објавувањето на предвремените избори во Турција.
Тој истакна дека „борбата на Турција за демократија не може да биде лесно запрена“, предупредувајќи дека оние кои се обидуваат да ја спречат „ќе ја платат цената“.
Ердоган додаде дека се подготвува нова средба во странство со 10-11 илјади избирачи, но не соопшти во која држава.