Зад затворени врати се гледа снимката за „Поткуп“
Во Кривичниот суд денеска зад затворени врати се одржува рочиште за случајот „Поткуп“ во кој обвинет е премиерот Зоран Заев. Апелациониот суд донесе одлука јавноста да биде исклучена на пуштењето на видео снимката поради која Заев се товари за примање поткуп.
Заев претходно бараше снимката од ПИ-мерките да се пушти јавно, што беше пригфатено, но обвинителството се жалеше до Апелациониот суд. Заев е обвинет дека како градоначалник на Струмица побарал поткуп од 160.000 евра од бизнисменот Иван Сачевалиев.