Времето денеска: пороен дожд со можна појава на град
Времето во Македонија денеска ќе биде променливо облачно, претпладне со сончеви периоди, а од пладне и попладне нестабилно со пороен дожд и грмежи. Локално процесите се очекува да бидат поинтензивни во форма на невреме со можна појава на град.
Утринската температура ќе се движи од осум до 16, а дневната од 17 до 28 степени. УВ индексот ќе изнесува шест.
Во Скопско претпладне ќе биде променливо облачно со повеќе сончеви периоди, а од пладневните часови ќе биде нестабилно со пороен дожд и грмежи и со можна појава на град. Температурата ќе се движи од 13 до 26 степени.