ЕУ свесна дека нуклеарниот договор со Иран не е совршен
Германската канцеларка Ангела Меркел изјави денеска дека земјите членки на ЕУ се свесни дека нуклеарниот договор со Иран од 2015 година не е совршен. Но, според неа, договорот треба да биде зачуван и по повлекувањето на САД од него.
Таа за време ан самитот ЕУ-Западен Балкан во Софија порача дека потребни се натамошни преговори со Иран во врска со прашањата како балистичката ракетна програма на земјата.
Францускиот претседател Емануел Макрон на самитот истакна дека ЕУ работи на заштита на компаниите кои имаат бизнис врски со Иран по повторното воведување на санкциите од САД.