Владата повикува на одговорно политичко однесување во спорот за името
Во овие моменти не треба да се подлегнува на шпекулации. Одговорното политичко однесување на сите политички фактори во двете земји е од најголема корист и во интерес на изнаоѓање решение, изјавија за МИА од Владата, како одговор во врска со коментарот на грчки владин претставник, кој изјавил дека „по сè изгледа се оддалечува можноста за договор во следните денови за решавање на спорот со името“.
Како што јави дописничката на МИА од Атина, според истиот владин претставник, чија изјава ја пренесува грчката агенција АНА-МПА, се оддалечува и можноста за телефонски разговор меѓу премиерите Зоран Заев и Алексис Ципрас.