Германија депортираше група одбиени баратели на азил
Германија депортираше 69 Авганистанци чии барања за азил беа одбиени, потврдија германските и авганистанските власти. Авионот во кој беа барателите на азил полета од Минхен, а слета во главниот авганистански град Кабул денеска. Ова е најголема група депортирани откако почнаа директните летови за депортација во декември 2016 година. Берлин депортацијата ја спроведува врз три категории: осомничени терористи, криминалци и поединци кои не соработуваат со германските власти за нивните документи.