Приштина му одобри на Вучиќ влез во Косово
Косовското Министерство за надворешни работи потврди дека му издало дозвола на претседателот на Србија Александар Вучиќ за викендов да го посети Косово.
Јетлир Зиберај - советник на шефот на косовската дипломатија Беџет Пацоли, изјави дека на српскиот претседател му е издадена дозвола за влез во Косово.
„Вучиќ согласно процедурите побара дозвола за влез во Косово и барањето му е одобрено, изјави Зиберај.
Според најавите, претседателот на Србија ќе престојува во Косово на 8-9 септември, ден по состанокот со неговиот косовски колега Хашим Тачи што ќе се одржи во Брисел во рамките на преговорите за нормализација на односите меѓу двете држави.