Пет пати повеќе мобилни, отколку фиксни телефони
Во првите три месеци од годинава во мобилната телефонија се регистрирани 1.988.376 активни претплатници, за 1,78 проценти помалку споредено со истиот период лани, покажуваат податоците на Агенцијата за електронски комуникации. Фиксна телефонија во првиот квартал годинава користеле 366.436 или за 1,20 проценти повеќе во однос на првиот квартал лани.
ТВ услуги користеле 397.402 домаќинства.
Пристап до интернет со широк и тесен опсег преку мобилна мрежа (2G/3G/4G) во првиот квартал годинава имале 1.275.168 претплатници, или за 12,38 проценти споредено со првиот квартал од 2017 година. Според Извештајот за развој на пазарот за електронски комуникации на АЕК, во првите три месеци од годинава бројот на претплатници на пристап до интернет со широк опсег изнесувал 399.575 претплатници односно за 5,02 проценти споредено со првиот квартал лани.