Уапсени екстремисти кои планирале напад на францускиот претседател
Неименуван извор од истрагата ја потврдил информацијата на француската телевизија БФМТВ, дека разузнавачи од Генералната дирекција за внатрешна безбедност (ДГСИ) привеле неколкумина осомничени поврзани со движењето на ултрадесницата, по информациите за можен план за напад против претседателот на републиката Емануел Макрон, објавија новинските агенции и француските медиуми.
Според изворот, апсењата се одвивале во департманите Изер, Ил и Вилен и Мозел, во рамки на прелиминарната истрага што ја отворило обвинителството во Париз поради „терористичко-криминално здружување на злосторници“.