Ден на жалост во Косово поради смртта на поранешниот американски претседател Буш
Косово денеска со ден на жалост му изразува почит на поранешниот претседател на САД, Џорџ Буш Постариот, кој почина на 30 ноември на 94-годишна возраст, јави дописникот на МИА од Приштина. Косовскиот претседател Хашим Тачи, по смртта на Буш Постариот, во знак на државна и граѓанска почит за неговиот придонес за слободата на Косово, денешниот ден го прогласи за ден на државна жалост. Државното знаме на Косово денеска ќе биде истакнато на пола копје во сите државни објекти, во и надвор од земјата. Денешниот ден е прогласен за ден на жалост и во САД, чиј 43-ти претседател, од 1989 до 1993 година, беше Буш.