Груевски доби 30-дневен притвор и за „Титаник“
Поранешниот премиер Никола Груевски, кој е во бегство во Унгарија, денеска доби нов 30-дневен притвор и за предметот „Титаник“ на СЈО. Судот донел одлука на обвинетиот да му се одреди мерка притвор во траење од 30 дена, сметано од денот на неговото пронаоѓање. Мерката притвор беше побарана на минатото рочиште од страна на обвинителката на СЈО Лиле Стефановска. Претходно, Судот одлучи на Груевски да му се суди во отсуство.
На Груевски, откако веќе избега, му беше одреден притвор и за случаите Талир и Траекторија.