Тевдовски - зголемување на платите во здравството за помал одлив на кадри
Имаме реален проблем во здравството со одлив на кадри и за таа цел оваа и следната година е предвидено зголемување на платите на здравствените работници со дополнително зголемување од 10 отсто за специјалистите, изјави денеска министерот за финансии Драган Тевдовски на комисиска расправа во Собранието.
„Кога вработените се подобро платени, тие се попродуктивни. За таа цел, од септември ги зголемуваме платите и во образованието и детската грижа. Растот на платите во јавниот сектор, воведувањето на повисоко ниво на минимална плата, како и владините мерки за поддршка на раст на платите, ја придвижи спиралата на плати и во приватниот сектор“, рече Тевдовски.