Најави од ЕУ за санкции врз девет лица за изборите во источна Украина
Европската унија се очекува да додаде девет лица на листата на санкции, кои наводно се вклучени во организацијата на минатомесечните избори во областите под контрлола на сепаратистите поддржани од Русија во источна Украина, според извори од Брисел.
Амбасадорите на блокот денеска се согласија за овој потег, велат за РСЕ неколку извори од ЕУ кои се запознаени со ова прашање, но не можеа да го откријат идентитетот.
Изворите велат дека првично се очекувало само пет лица да бидат додадени на листата, но неколку земји предводени од Полска побарале на листата да бидат вклучени уште четири лица.
Министрите за надворешни работи на блокот треба да се согласат на овој потег на средбата во Брисел на почетокот на следната година.
Деветте лица ќе се приклучат на останатите 155 од Русија и Украина, на кои моментално им е замрзнат имотот во ЕУ и имаат забрани за патување.