Сипаници ја затворија градинката во Радишани
Привремено ќе биде затворена градинката „Ташко Караџа“ во скопската населба Радишани, поради појава на морбили. Претходно беше соопштено дека пет деца од градинката се заразени со сипаници.
Од Министерството за труд и социјална политика попладнево соопштија дека во следните 15 дена во објектот нема да се згрижуваат деца поради поголем број заболени деца од морбили.
Во градинката се прави вонредна дезинфекција.Министерството за труд и социјална политика најавува дека даде препорака за вонредна дезинфекција во сите установи коишто згрижуваат деца од предучилишна возраст.