Француската полиција се подготвува на можни нереди
За време на новогодишната ноќ во Франција ќе бидат разместени над 147 илјади припадници на безбедносните сили, а демонстрантите од движењето „Жолти елеци“ најавуваат дека ќе и се придружат на јавната прослава на Елисејските полиња во Париз. Министерството за внатрешни работи соопшти дека безбедносните мерки биле потребни поради „сериозни терористички закани“ и поради можни непријавени протести. „Жолтите елеци“ од средината на ноември организираат демонстрации поради најавеното зголемување на данокот за гориво, но протестот брзо се претвори во општ израз на незадоволство од политиката на претседателот Емануел Макрон.