Австралија ќе ја брани титулата на Азискиот фудбалски куп

Азискиот фудбалски куп треба да почне утре во Обединетите Арапски Емирати. Ова е најголемо азиско фудбалско првенство досега, а бројот на репрезентациите е зголемен од 16 на 24.

Австралија ќе брани титулата освоена на првенството во 2015 на домашен терен. За фаворит се смета Јапонија, која освои најдобар резултат од азиските држави на ланското Светско првенство. Иран, кој е најдобро рангираната азиска држава според ФИФА, исто така е еден од фаворитите за титулата.

Овој Азиски куп се одржува во време на големи регионални тензии. Обединетите Арапски Емирати, Бахреин и Саудиска Арабија во 2016 година ги прекинаа дипломатските односи со Катар.

Саудиска Арабија и Катар, кој е домаќин на Светското фудбалско првенство во 2022, ќе се сретнат во групната фаза.

Неколку светски познати тренери се селектори на азиските репрезентации. Свен Горан Ериксон е селектор на Филипините, а Марчело Липи, кој со Италија стана светски шампион во 2006 година, сега е селектор на Кина.

Финалето ќе се игра на 1 февруари во Абу Даби.