Путин ќе ја посети Србија на 17 јануари
Рускиот претседател ќе ја посети Србија на 17 јануари, соопштија денеска од кабинетот на српскиот претседател Александар Вучиќ, кој ќе му биде домаќин на Путин.
Според претходните најави, се очекува за време на посетата на бидат потпишани над 20 билатерални договори за соработка во различни области, а ќе се разговара и за реализација на заеднички проекти од областа на енергетиката, инфраструктурата и иновациите.
Од Кремљ вчера соопштија дека Путин го одликувал Вучиќ со орденот Александар Невски за големиот придонес во развојот на соработката меѓу двете земји.
Путин и Вучиќ последен пат се сретнаа во Москва на 2 октомври минатата година.