Протест против уставните измени пред Собранието

Точно напладне здруженијата „Tврдокорни“ и „Македонија блокира“ го започнаа протестот пред Собранието, во пресрет на закажаната седница за последната фаза од уставните измени.



Улицата пред Собранието е целосно блокирана, а се забележува и зголемено присуство на полицијата.



Протестот, како што велат организаторите, ќе трае до полноќ.



Од „Тврдокорни“ и „Македонија блокира“ истакнуваат дека протестот е за одбрана на македонското име, идентитетот, историјата и традицијата на македонскиот народ и против, како што наведуваат, „најголемото национално предавство“.