Јовески: Утре од Албанија ќе стасаат снимки за истрагата на бегството на Груевски
Републичкиот јавен обвинител Љубомир Јовески во интервју за ТВ21 изјави дека се уште се прибираат докази за тоа како екс премиерот Никола Груевски ја напуштил државата. Без да каже детали, Јовески рече дека до сега успеале да соберат неколку податоци и дека до сега ги чекале видео снимките од безбедносните камери на граничниот премин меѓу Македонија и Албанија, кои утре треба да стасат од Албанија.
Според него, до сега за бегството на Груевски се сослушани 20 сведоци, а се очекува да се повикаат на распит уште четворица. Јовески во интервјуто не сакаше да открие дали постојат индиции дека некое службено лице му помогнало на Груевски при бегството, и додаде дека додека не заврши истрагата Обвинителството нема да објави детали.