САД именуваа свој претставник во Венецуела

Американскиот државен секретар Мајк Помпео го назначи поранешниот дипломат Елиот Ејбрамс за специјален пратеник за "повторно воспоставување на демократијата" во Венецуела. Ејбрамс пред новинарите изјави дека кризата во Венецуела е "длабока, комплексна и опасна". Ејбрамс им служел на поранешните американски претседатели Роналд Реган и Џорџ Буш помладиот.


САД и повеќе од десетина латиноамерикански држави, Канада и Обединетото Кралство, го поддржаа Хуан Гуидо, кој го предводи Националниот конгрес на Венецуела - откако сам се прогласи за легитимен претседател. Во исто време, оспорениот претседател Николас Мадуро не покажува дека е подготвен да се откаже од власта и вели дека е демократски избран претседател.


Советот за безбедност на ОН денеска ќе расправа за Венецуела, а на средбата ќе присуствува и американскиот амбасадор Мајк Помпео. Николас Мадуро денеска објави дека неговиот министер за надворешни работи, Хорхе Ареза, ќе замине во Њујорк на состанокот на Советот за безбедност на ОН