Во Брисел оперираат стотици руски и кинески шпиони
Стотици руски и кинески разузнавачи оперираат во Брисел, предупреди Европскиот сервис за надворешни активности, надворешна служба на ЕУ. Тие проценуваат дека има „околу 250 кинески и 200 руски шпиони во европската престолнина, објави германскиот весник Велт ам Сонтаг, повикувајќи се на европски дипломати. Според весникот, европските дипломати и воени претставници добиле совети да се држат настрана од одредени делови на Брисел, меѓу кои и популарен ресторан и кафетерија во близина на седиштето на Европската комисија. Руските и кинеските разузнавачи наводно работат во амбасадите и во трговските претставништва на нивните земји.