Порошенко - Украина во ЕУ и НАТО за да се заштити од Русија
Украина мора да се приклучи на ЕУ и НАТО за да заштити од Русија, изјави украинскиот претседател Петро Порошенко, на стартот на неговата изборна кампања. Порошенко, кој бара втор петгодишен мандат ја обвини Москва дека планира да се меша во изборите. Изборите треба да се одржат на 31 март.
Порошенко, исто така, обвини дека рускиот претседател Владимир Путин сака да ја уништи украинската независност и ги опиша претседателските избори во земјата како „општа битка за Украина“.
„Само полноправно членство во Европската унија и НАТО може решително и неповратно да ја гарантираат нашата независност, национална безбедност, слобода и благосостојба“, изјави Порошенко.
Порошенко, кој има 53 години и ееден од најбогатите луѓе во Украина, дојде на власт по проевропските протести во земјата во 2014, што го натераа тогашниот претседател Виктор Јанукович да избега во Москва.