Се зголемува бројот на загинати во уривањето на зградата во Истанбул
Бројот на жртвите при уривањето на зградата во Истанбул, што се случи во средата, се зголеми на 21 лице, соопшти турскиот министер за внатрешни работи Сулејман Сојлу, јави агенцијата Анадолија.
Во изјавата за новинарите што ја даде на местото на несреќата, Сојлу истакна дека се смета оти под урнатините се наоѓале вкупно 35 лица, и оти сите се извлечени.
Турскиот министер за здравство, Фахретин Коџа вчера информираше дека 13 повредени се наоѓаат во болница, од кои две лица се во сериозна состојба, јави Анадолија.
Претседателот Реџеп Таип Ердоган, исто така, изрази сочувство за жртвите од уривањето на зградата.