Ал Сиси – Нов претседател на Африканската унија
Египетскиот претседател Абдел Фатах ел Сиси денеска беше избран за претседател на Африканската унија на Самитот на организацијата во Адис Абеба во Етиопија. На таа позиција тој го наследува претседателот на Руанда Пол Кагаме, кој беше на чело на организацијата една година.
Сиси рече дека мирот и безбедноста во Африка се нивна главна цел.
Претседателот на Африканската унија ги одредува прашањата кои ќе се разгледуваат за време на неговиот едногодишен мандат.
Организацијата за човекови права Амнести интернејшнал претходно предупреди дека претседателството на Сиси може да ги подрие механизмите на Африканската унија во областа на човековите права.