Портпаролката на Белата куќа сослушана од Мулер за руското мешање

Портпаролката на Белата куќа, Сара Сандерс потврди дека била сослушана од специјалниот советник Роберт Мулер, кој го истражува руското мешање во претседателските избори во САД кои се одржаа во 2016 година и евентуалните врски со изборната кампања на претседателот Доналд Трамп. 


„Претседателот ме поттикна, исто како и сите останати во администрацијата, целосно да соработувам со специјалниот советник. Јас бев среќна доброволно да седнам со нив“, изјави Сандерс.


Сандерс и се приклучи на изборната кампања на Трамп во 2016 година како советник, а стана портпарол во јули, 2017 година.