Руските власти не дозволиле протест за Немцов во Санкт Петерсбург

Локалните власти во Санкт Петерсбург не одобриле дозвола за одржување на марш во центарот во градот на 24 февруари за одбележување на годишнината од убиството на опозицискиот политички лидер Борис Немцов. Според движењето кое ги организира протестите, локалните власти ги одбиле сите предложени рути на движење на маршот.


Потпретседателот на законодавното собрание на градот, Борис Вишневски соопшти дека наместо тоа локалните власти им предложиле маршот да се одржи во паркот Полустрово, кој се наоѓа на 5 километри од центарот на Санкт Петерсбург. „Се работи за исмејување“, напиша тој на социјалните мрежи и најави тужба за градот.