Пенс ја повика Европа да се повлече од иранскиот нуклеарен договор
Американскиот потпретседател Мајк Пенс ги повика европските сојузници да се откажат од нуклеарниот договор со Иран постигнат во 2015 година.
„Дојде време нашите е европски партнери да застанат со нас и со иранскиот народ. Дојде време нашите европски партнери да се повлечат од иранскиот нуклеарен договор“, рече Пенс на безбедносната конференција во Минхен.
Светските сили се согласија со постигнувањето на договорот да ги олеснат санкциите врз Иран во замена за ограничување на нуклеарната програма на земјата. САД се повлекоа од договорот минатата година и повторно воведоа санкции.