Претставникот на талибанците нема да присуствува на мировните преговори
Талибанците од Авганистан соопштија дека нивниот нов политички лидер нема да присуствува на мировните преговори со американските претставници кој треба да се одржи во Катар, наредната недела.
Според нив, Мулах Абдул Гани Барадар нема да отпатува за Катар, бидејќи имал потешкотии во обезбедувањето на патна исправа, но имало и несогласувања околу тоа која треба да биде неговата улога во преговорите.
Американските претставници сакаат да се сретнат со Барадар во надеж дека тој ќе придонесе за нов импулс и за отворање на тешките прашања кои го отежнуваат постигнувањето на договор со авганистанските власти.