На Јанакиески не му се констатирани телесни повреди
Од ГОБ „8-ми Септември“ соопштија дека на поранешниот министер Миле Јанакиески, кој беше примен во болницата по инцидентот во затворот во Шутка, не му биле констатирани телесни повреди.
Јанакиески се пожалил на болки по телото и главата, а по извршениот соодветен клинички лекарски преглед не се констатирани никакви телесни повреди, се наведува во соопштението.
На Јанакиески и на поранешниот министер Спиро Ристовски синоќа им беше одреден 30-дневен притвор во врска со случувањата во Собранието на „27 април“.