Дванаесетгодишно девојче почина од компликации од грип, четврта жртва во Македонија

Дванаесетгодишно девојче со церебрална парализа и мускулна дистрофија почина денеска на Клиниката за детски болести од компликации од грип. Ова денеска го потврди д-р Владимир Микиќ, епидемиолог од Институтот за јавно здравје.


Детето пред четири дена било примено на Клиниката. Ова е четврти смртен случај од компликации од грип.


Од Институтот за јавно здравје информираа дека измината недела починал 86-годишен човек од Скопје, кој бил хоспитализирани на Клиниката за инфективни болести и фебрилни состојби.