Се урна училишна зграда во Нигерија, спасени осум деца
Во зградата која се урна денеска во нигерискиот град Лагос имало повеќе луѓе, меѓу кои и училишни деца, а осум од нив се спасени од урнатините, јавуваат агенциите.Во зградата на три ката, покрај тоа што имало станови било сместено и основно училиште. Таа се наоѓала во густо населениот дел од градот кој има околу 20 милиони жители. Засега нема информации за загинати, но како што пренесува агенцијата АФП, цитирајќи ги локалните нигериски медиуми можни се бројни жртви. Проценките се дека во зградата имало околу сто ученици.