Холандската полиција уапси едно лице за нападот во Утрехт
Холандските власти соопштија дека едно лице е уапсено по нападот на трамвај во Утрехт во кој загинаа 3 лица, а 5 лица беа повредени. Полицијата беше во потрага по 37 годишниот Ѓокман Танис, роден во Турција во врска со инцидентот. Се уште не се знае мотивот на напаѓачот.
Според обвинителството, можеби се работи за семејни причини. Турски медиуми цитираа роднини на осомничениот, кои тврдат дека Танис пукал кон роднина која се превезувала во трамвајот, а притоа ги убил другите кои се обиделе да и помогнат.