Заев – Која: Сите учесници да преземат одговороност за кристално чисти избори

За актуелни теми со фокус на претседателските избори разговарале партиска делегација на СДСМ предводена од претседателот Зоран Заев и делегација на ОБСЕ предводена од Шефот на мисијата во земјава, амбасадорот Клеменс Која.


Двете делегации заклучиле дека на претстојните претседателски избори сите учесници треба да покажат демократска зрелост и одговорност пред државата, за граѓаните слободно да го искористат своето правото на глас, а изборите да бидат фер и регуларни.


Мисијата на ОБСЕ е веќе активно вклучена, набљудувачите од ОБСЕ/ОДИХР ги следат активностите пред и за време на кампањата, работата на институциите, а како дел од набљудувањето, ОБСЕ/ОДИХР исто така ќе го следи и известувањето на медиумите

за време на кампањата.