Заев очекува Вашингтон до октомври да го ратификува Протоколот за НАТО

Премиерот Зоран Заев очекува ратификувањето на Протоколот за пристапување на земјава во НАТО во американскиот Сенат да заврши до крајот на летото, а најдоцна до октомври.


Тој денеска во Охрид истакна дека процедурите за Протоколот мошне брзо завршиле во Стејт департментот и документот веќе е доставен до Сенатот.


„Тоа е постапка која трае, поприлично е сложена, значи не очекувам дека ќе се случи за една недела, но очекувам дека ќе заврши до крајот на летото, септември, октомври“, рече Заев и додаде дека тоа е експресно брзо во споредба со протоколите кои Вашингтон ги ратификувал за претходните членки.