Берлускони ја објави кандидатурата за Европскиот парламент

Поранешниот италијански премиер Силвио Берлускони објави дека ќе се кандидира за Европскиот парламент на изборите во мај, наведувајќи ја како главна причина "желбата да се бори за Европска унија која е повеќе обединета и посветена на визијата на татковците на нејзините основачи", објави АП. Берлускони зборуваше на конвенцијата на неговата партија "Форца Италија", чија популарност опадна во последниве години.


Поранешниот премиер рече дека сака Европа да се врати на проектот на татковците на основачите кои, како што кажа, повеќе сакале обединета Европа, Европа со една дипломатија и една одбранбена политика".


На Берлускони му беше забрането да врши јавна функција речиси пет години поради пресудата за даночна измама. Судот минатата година, повикувајќи се на неговото добро однесување, одлучи дека тој може повторно да се кандидира.