Премиерот Зоран Заев дели дека во новата верзија на Законот за јавно обвинителство, со кој треба да се реши и статусот на СЈО, се прифатени голем дел од сугестиите на ВМРО-ДПМНЕ. Тој вели дека се прифатени нивните сугестии за „бомбите“ и дека прислушуваните разговори нема да важат за случаите по 30 јуни 2017 година. Заев вели дека новата верзија на законот е испратена до претседателот на ВМРО-ДПМНЕ. Тој очекува дека денеска да биде разгледана од страна на опозицијата, а веќе утре да почнат преговорите на ниво на работни групи.
Заев вели дека „бомбите“ во новите постапки може да послужат исклучиво како индиции, а не и како докази.
Прислушуваните материјали што се докази во случаите кои се веќе во судска постапка во 18-те предмети на СЈО, ќе продолжат и натаму да се користат, додека за предметите после 30 јуни 2017 година тие нема да бидат докази во постапките.
